ସୋନପୁର : ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ବିୟୋଗରେ ଆଜି ସୁବର୍ଣ୍ଣପୁର ଜିଲ୍ଲା କଂଗ୍ରେସ ତରଫରୁ ସ୍ଥାନୀୟ କସ୍ତୁରୀ ହୋଟେଲର ସମ୍ମିଳନୀ କକ୍ଷରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି । ନଗର କଂଗ୍ରେସ ସଭାପତି ସୁଧିର କୁମାର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଉପସ୍ଥିତ ସମସ୍ତେ ଦିବଂଗତ ଆତ୍ମାର ସଦଗତି କାମନା କରି ୨ ମିନିଟ ନିରବ ପ୍ରାର୍ଥନା କରିବା ସହ ସ୍ୱର୍ଗତ ମୁଖାର୍ଜୀଙ୍କର ସୃତି ଚାରଣ କରିଥିଲେ । ତାଙ୍କର କର୍ତ୍ତବ୍ୟ ନିଷ୍ଠ ଓ ନିଷ୍ଠାପର ଉଦ୍ୟମ ଯୋଗୁଁ ସେ ସମଗ୍ର ଜନମାନସରେ ନମସ୍ୟ ରହିବା ସହ ସମସ୍ତଙ୍କ ମଧ୍ୟରେ ତାଙ୍କର ସୁନାମ ରହିଥିବା ବିଭିନ୍ନ ବକ୍ତା ମତ ରଖିଥିଲେ । ଆଜିର ଏହି ଶ୍ରଦ୍ଧାଞ୍ଜଳି ସଭାରେ ପୂର୍ବତନ ବିଧାୟକ ବିନୋଦ ପାତ୍ର, ପିସିସି ସଭ୍ୟ ଜିତେନ୍ଦ୍ର ପଟ୍ଟନାୟକ, ଯୁବକଂଗ୍ରେସ ସଭାପତି ପ୍ରିୟବ୍ରତ ସାହୁ, ଶେଷଦେବ ମେହେର, ନିମାଇଁ ପାଣିଗ୍ରାହୀ, ମାଧବ କୁମ୍ଭାର, ଶତୃଘ୍ନ ଅମାତ, ମେହେର, ଲକ୍ଷ୍ମଣ ଦେହେରୀ, କୃଷ୍ଣ ଚନ୍ଦ୍ର ବାଘ, ଇମ୍ରାନ ହୁସେନ, ମହିଳା କଂଗ୍ରେସ ର ସୂର୍ଯ୍ୟ କାନ୍ତି ବାଘ ,ସଚ୍ଚିଦାନନ୍ଦ, ହୁସେନ ଖାନ ପ୍ରମୁଖ ଯୋଗଦେଇ ସ୍ୱର୍ଗତ ପ୍ରଣବ ମୁଖାର୍ଜୀଙ୍କର ସ୍ମୃତିଚାରଣ କରିଥିଲେ ।
