ପୁରୀ : ପ୍ରସିଦ୍ଧ କାର୍ଟୁନିଷ୍ଟ କିଶୋର ରଥଙ୍କ ଦେହାନ୍ତ ହୋଇଛି । ହୃଦଘାତରେ ତାଙ୍କର ପରଲୋକ ହୋଇଛି । ତେବେ ପ୍ରସିଦ୍ଧ ବ୍ୟଙ୍ଗ ଚିତ୍ରକର କିଶୋରଙ୍କ ମୃତ୍ୟୁ ତାଙ୍କର ପ୍ରଶଂସକ ମହଲରେ ଶୋକର ଛାୟା ଖେଳିଯାଇଛି । ତେବେ ପୁରୀ ବେଳାଭୂମିରେ ବିଶିଷ୍ଟ ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ଏକ ବାଲୁକା ଚିତ୍ର କଳା କରି କିଶୋରଙ୍କୁ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ବାଲୁକା ଚିତ୍ରକଳାଟି ବେଶ ହୃଦୟ ସ୍ପର୍ଶୀ ହୋଇଛି ।
କିଶୋର ରଥ ତାଙ୍କର ଶାଣିତ ବ୍ୟଙ୍ଗ ଚିତ୍ରରେ ଅନେକ କିଛି ସମାଜକୁ ଦିଗ ଦର୍ଶନ, ହେଉକି ସରକାରଙ୍କ ତ୍ରୁଟିପୂର୍ଣ୍ଣ ନୀତିରେ ସେ ବାର୍ତ୍ତା ଦେଉଥିଲେ । ବ୍ୟଙ୍ଗ ଚିତ୍ରରେ ତାଙ୍କର ନିଆରା ଶୈଳୀ ଜନ ମାନସରେ ବେଶ ଆଦୃତ ହାସଲ କରିଥିଲା । ତାଙ୍କରର ମୃତ୍ୟୁରେ ବିଭିନ୍ନ ମହଲରେ ଶୋକର ଛାୟା ଖେଳି ଯାଇଛି ।
