ବୌଦ୍ଧ,୧୯/୩ – ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣା କଟକ – ଧଳପୁର୍ ରାସ୍ତାର ବୁରୁବୁଡା ଗ୍ରାମ ନିକଟରେ ଗତକାଲି ସନ୍ଧ୍ୟାରେ ଜଣେ ଯୁବକଙ୍କ ପାଦ ଉପରେ ଗୋଟିଏ ବୋଲେରୋ ଚକ ଚଢି ଯିବାରୁ ସେ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ତିଲେଶ୍ବର୍ ଗ୍ରାମ ପଞ୍ଚାୟତ ବୁରୁବୁଡା ଗ୍ରାମର ଉଦ୍ଧବ ରଣା (30) ଗାଆଁ ଛକ ନିକଟରେ ଛିଡା ହୋଇଥିବା ବେଳେ ଖଜୁରିଆ ଗ୍ରାମରୁ ପୁରୁଣା କଟକ ଆଡକୁ ଦ୍ରୁତ ଗତିରେ ଆସୁଥିବା ଏକ ବୋଲେରୋ ଚକ ଉଦ୍ଧବଙ୍କ ଡାହାଣ ପାଦ ଉପରେ ଚାଲି ଯାଇଥିଲା ଓ ଗୋଡ ଭାଙ୍ଗି ଗୁରୁତର ଆହତ ହୋଇଥିଲେ | ତାଙ୍କୁ ଉଦ୍ଧାର କରି ପ୍ରଥମେ ପୁରୁଣା କଟକ ଡାକ୍ତରଖାନାରେ ଓ ପରେ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ଅବସ୍ଥା ଗୁରୁତର ଥିବାରୁ ତାଙ୍କୁ ପରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି l ଏ ନେଇ ଆହତଙ୍କ ପରିବାର ପକ୍ଷରୁ ପୁରୁଣା କଟକ ଥାନା ରେ ଲିଖିତ ଅଭିଯୋଗ ହୋଇଛି | ଦୁର୍ଘଟଣା ପରେ ବୋଲେରୋ ଫେରାର ଅଛି l ପୋଲିସ୍ ଘଟଣାର ତଦନ୍ତ କରୁଥିବା ସୁଚନା ମିଳିଛି l
