ବୌଦ୍ଧ,୨୨/୮- ଜାତୀୟ ଶିକ୍ଷକ ସମ୍ମାନ ୨୦୨୦ଘୋଷଣା କରିଛି କେନ୍ଦ୍ର ସରକାରଙ୍କ ଶିକ୍ଷା ବିଭାଗ l ସାରା ଦେଶର ୩୬ ଗୋଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳରୁ ୪୭ ଜଣ ଶିକ୍ଷକଙ୍କ ଏକ ତାଲିକା ପ୍ରକାଶିତ ହୋଇଛି | ଏ ତାଲିକାରେ ଓଡିଶାର ଦୁଇ ଜଣ ଶିକ୍ଷକଙ୍କ ମଧ୍ୟରେ ବୌଦ୍ଧ ଜିଲ୍ଲାର କୃତ୍ତି ଶିକ୍ଷକ ବସନ୍ତ କୁମାର୍ ସାହୁଙ୍କ ନାମ ଥିବା ଜଣାପଡିଛି l ଶ୍ରୀ ସାହୁ ବର୍ତ୍ତମାନ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଛନ୍ତି | ତାଙ୍କର ଏ ସଫଳତାରେ ଶୁଭେଚ୍ଛୁ ଓ ଶିକ୍ଷକ ମହଲରେ ଆନନ୍ଦର ଲହରୀ ଖେଳି ଯାଇଛି l ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି l
