ବୌଦ୍ଧ,୩/୪ – ଆଜି ଅପରାନ୍ହ ପ୍ରାୟ 5 ଘଣ୍ଟା ସମୟରେ. ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣା କଟକ ଅଞ୍ଚଳରେ କାଳବୈଶାଖୀ ତାଣ୍ଡବ ଦେଖାଇଛି l ବଡ଼ ବଡ଼ କୁଆ ପଥର ପଡିବା ଯୋଗୁଁ ଆଜବେଷ୍ଟସ୍ ଛପର ଘର ଗୁଡିକ ନଷ୍ଟ ହୋଇଥିବା ବେଳେ ଘର ବାହାରେ ରଖା ଯାଇଥିବା ଦୁଇ ଓ ଚାରି ଚକିଆ ଗାଡି ଗୁଡିକ ମଧ୍ୟ କ୍ଷତି ଗ୍ରସ୍ତ ହୋଇଛି | ପବନ ସହିତ ସ୍ୱଳ୍ପ ବର୍ଷା ଓ ବ୍ୟାପକ କୁଆ ପଥର ବୃଷ୍ଟି ହୋଇଥିଲା | ବୌଦ୍ଧ ଜିଲ୍ଲା ରେ ଅସହ୍ୟ ତାତି ଯୋଗୁଁ ଜନଜୀବନ ଅସ୍ତ ବ୍ୟସ୍ତ ହୋଇ ଯାଇଥିବା ବେଳେ ଗରମରୁ ପୁରୁଣାକଟକ ଅଂଚଳରେ ଆଜି ସନ୍ଧ୍ୟାରେ ସାମାନ୍ୟ ଆଶ୍ୱସ୍ତି ମିଳିଛି l ମାତ୍ର 500 ଗ୍ରାମରୁ ଅଧିକ ଆକାରର କୁଆ ପଥର ପଡିବା ଯୋଗୁଁ କେତେ ଘର, ଯାନବାହାନ ଓ ପନିପରିବା ଫସଲ କ୍ଷୟକ୍ଷତି ହୋଇଛି ଆକଳନ କରାଯାଇ ନଥିବାରୁ ସ୍ପଷ୍ଟ ଚିତ୍ର ମିଳି ପାରିନାହିଁ l
