ବୌଦ୍ଧ ତା ୨୫/୯ ଖୋର୍ଦ୍ଧା-ବଲାଙ୍ଗିର ୫୭ନଂ ଜାତୀୟ ରାଜପଥର କରଡା କୋଠା ନିକଟରେ ଆଜି ସକାଳେ ଦଶପଲ୍ଲା ପଟୁ ଚାରିଛକ ଆଡକୁ ଦ୍ରୁତ ଗତିରେ ଆସୁଥିବା ଡିଏଲ ୯ସିୟୁ ୯୭୪୨ନଂ ବିଶିଷ୍ଟ ଏକ କାର ନିୟନ୍ତ୍ରଣ ହରାଇ ସମ୍ନାପଟୁ ଚାରିଛକ ଆଡୁ ଯାଉଥିବା ଓଆର ୦୨ ଏୱାଇ ୨୬୯୩ ନଂ ବଲେରୋର ପଛ ଚକରେ ଧକ୍କା ହେବାରୁ ଉଭୟ ଗାଡି ଆଂଶିକ କ୍ଷତି ହୋଇଥିବା ଜଣାପଡିଛି।ମାତ୍ର ବଲେରୋରେ ଯାଉଥିବା ଡ୍ରାଇଭର ଙ୍କ ସମେତ ଅନ୍ୟ ୨ଜଣ ଯାତ୍ରୀ ସ୍ୱମ୍ପୁର୍ଣ ସୁରକ୍ଷିତ ଥିବା ବେଳେ କାରର ବେଲୁନ ଯୋଗୁଁ ସେଥିରେ ବସିଥିବା ଡ୍ରାଇଭର ଓ ଅନ୍ୟଜଣେ ଅଳ୍ପକେ ବର୍ତ୍ତି ଯାଇଥିବା ଜଣାଯାଇଛି। ବଲେରୋରେ ହରଭଙ୍ଗା ବ୍ଲକର ଜଣେ ଠିକାଦାର ତାଙ୍କ ଝିଅ ସହିତ ନୟାଗଡ କଲେଜକୁ ଯାଉଥିବା ବେଳେ କାରଟି କଟକରୁ ବଲାଙ୍ଗିର ଯାଉଥିବା ଜଣାପଡିଛି।ତେବେ କାର ଚାଳକ ମାତ୍ରାଧିକ ନିଶା ସେବନ କରି ଗାଡି ଚାଳନା କରିବା ଯୋଗୁଁ ଦୁର୍ଘଟଣା ଘଟିଥିବା ସାଧାରଣରେ ଚର୍ଚ୍ଚା ହେଉଛି।ଖବର ପାଇ ପୁରୁଣାକଟକ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
