ବୌଦ୍ଧ/ବାଉଁଶୁଣୀ,୧୧/୫ – ବାଉଁଶୁଣୀ ଛକ ନିକଟରେ ବହୁ ଦିନରୁ ବସୁଥିବା ଦୈନିକ ବଜାରକୁ କରୋନା ସମୟରେ ପୁନର୍ବାର ହାଇସ୍କୁଲ ପଡିଆ ନିକଟକୁ ଆଜି ଠାରୁ ସ୍ଥାନାନ୍ତର କରାଯାଇଥିବା ଜଣା ପଡିଛି l ଗତବର୍ଷ ମଧ୍ୟ କରୋନା ପାଇଁ ପଡିଆ ପାଖକୁ ବଜାର ଉଠା ଯାଇଥିଲା ଓ କରୋନା ସଂକ୍ରମଣ କମିବା ପରେ ପୁର୍ବ ସ୍ଥାନ ଛକ ନିକଟକୁ ଆସିଥିଲା l ପୂର୍ବ ସ୍ଥାନରେ ସ୍ଥାନାଭାବ ହେତୁ ବିକ୍ରେତା ଓ କ୍ରେତା ମାନଙ୍କ ମଧ୍ୟରେ ସାମାଜିକ ଦୂରତା ରକ୍ଷା ହେଉନଥିବାରୁ ବାଉଁଶୁଣୀ ପୋଲିସ୍ ବଟି ଆଦାୟ ପାଇଁ ବଜାର ଠିକା ନେଇଥିବା ଠିକାଦାରଙ୍କୁ କହିବା ପରେ ଆଜି ହାଇସ୍କୁଲ ପଡିଆକୁ ସ୍ଥାନାନ୍ତର କରାଯାଇଥିବା ଜଣାପଡିଛି l
