ବୌଦ୍ଧ/ଜହ୍ନାପଙ୍କ,୧୮/୦୩- ଜାତୀୟ ରାଜପଥ ୫୭ ର ମଧୁପୁର-ଖୁଂଟବନ୍ଧ ମଝିରେ ଆଜି ଭୋଇ ପ୍ରାୟ ସାଢ଼େ ୪ ଟା ବେଳେ ଏକ ଟାଟା ପିକ ଅପ ଗାଡି ନଂ ଓଡ଼ି ୦୭/ଇ -୧୬୧୪ ଦୁର୍ଘଟଣା ଗ୍ରସ୍ତ ହୋଇଛି।ଏଥିରେ ଡ୍ରାଇଭର ସହଯୋଗୀ ମହେନ୍ଦ୍ର ସାହୁଙ୍କ ନାକରେ ସାମାନ୍ୟ ଆହତ ହୋଇଛନ୍ତି।ସ୍ଥାନୀୟ ଲୋକଙ୍କ ସହାୟତାରେ ୧୦୮ ଆମ୍ବୁଲାନ୍ସ ଯୋଗେ ବୌଦ୍ଧ ମୁଖ୍ୟ ଡାକ୍ତରଖାନାକୁ ଡ୍ରାଇଭର ଲମ୍ବୋଦର ରାଉଳ ଓ ତାଙ୍କ ସହଯୋଗୀ ମହେନ୍ଦ୍ର ସାହୁଙ୍କୁ ପଠାଇଥିଲେ।ଡାକ୍ତର ପ୍ରାଥମିକ ଚିକିତ୍ସା ପରେ ଛାଡ଼ିଦେଇଥିବା ଜଣାଯାଇଛି।ସୂଚନାମତେ ବ୍ରହ୍ମପୁରରୁ ବିଦ୍ୟୁତ ସାମଗ୍ରୀ ନେଇ ପାଟଣାଗଡ଼ ଅଭିମୁଖେ ଯାଉଥିବା ବେଳେ ଡ୍ରାଇଭରର ଆଖି ଲାଗିଯିବାରୁ ରାସ୍ତାର ଡାହାଣ ପାର୍ଶ୍ୱରେ ଥିବା ଏକ ଶିଶୁପା ଗଛରେ ପିଟିହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ଘଟଣାସ୍ଥଳରେ ଜହ୍ନାପଙ୍କ ଫାଣ୍ଡିର ପୋଲିସ ଏ ଏସ ଆଇ ସୁବାସଚନ୍ଦ୍ର ମିଶ୍ର ପହଞ୍ଚି ଗାଡିକୁ ଜବତ କରି ତଦନ୍ତ ଚଳାଇଛନ୍ତି।
