ଆଠମଲ୍ଲିକ:ଅନୁଗୋଳ ଜିଲ୍ଲା ଠାକୁରଗଡ଼ ଥାନା ଅନ୍ତର୍ଗତ କୁଣ୍ଡାଝରି ଗ୍ରାମ ନିକଟରେ ଆଜି ସକାଳୁ ସକାଳୁ ଏକ ମର୍ମନ୍ତୁକ ସଡକ ଦୁର୍ଘଟଣା ଘଟିଯାଇଛି । ଅନଗୁଳରୁ ଆଠମଲ୍ଲିକ ଆସୁଥିବା ୧୦୮ ଆମ୍ବୁଲାନ୍ସ ଆଠମଲ୍ଲିକ ବିନିକେଇରୁ ଯାଉଥିବା ଏକ ଇଣ୍ଡିକାକାରକୁ କୁଣ୍ଡାଝରି ନିକଟରେ ସମ୍ମାସାମ୍ନି ଧକ୍କା ଦେଇଥିଲା । ଦୁର୍ଘଟଣା ପରେ ପାଖ ଗାଁ ଲୋକେ ଘଟଣା ସ୍ଥଳକୁ ଦୌଡିଆସି ଥିଲେ ଓ ସଂଗେ ସଂଗେ ଆଠମଲ୍ଲିକରୁ ଏକ ୧୦୮ ଓ ୧୦୨ ଆମ୍ବୁଲାନ୍ସକୁ ଡକାଇ ଆହତଙ୍କୁ ଆଠମଲ୍ଲିକ ମେଡିକାଲକୁ ପଠାଇ ଥିଲେ । ଦୁର୍ଘଟଣା ରେ ୧୦୮ରେ ଆସୁଥିବା ଡ୍ରାଇଭର ଓ ସୁକୁମାରି ନାୟକ ଆଶାକର୍ମୀ ଆହତ ହେଇଥିଲେ । ଇଣ୍ଡିକାରେ ବିନିକେଇରୁ ଅନୁଗୁଳକୁ ଡାକ୍ତରଙ୍କୁ ନିଜ ଚିକିତ୍ସା ପାଇଁ ଯାଉଥିବା ଫରେଷ୍ଟ ଗାର୍ଡ଼ ବିନୟ କୁମାର ନାୟକ ସମେତ ସରସ୍ୱତୀ ପ୍ରଧାନ ଓ ଇଣ୍ଡିକା ଡ୍ରାଇଭର ଗୁରୁତର ଭାବେ ଆହତ ହେଇଛନ୍ତି ।
