ବୌଦ୍ଧ : ଗତକାଲି ବୌଦ୍ଧ ଜିଲ୍ଲାରେ କୌଣସି କରୋନା ପଜିଟିଭ ଚିହ୍ନଟ ହୋଇନଥିବା ବେଳେ ଆଜି ଦୁଇ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ବୌଦ୍ଧ ସହରରେ ଗତ କିଛି ଦିନ ଧରି ପ୍ରତିଦିନ ପଜିଟିଭ ଚିହ୍ନଟ ହେଉଥିଲେ କିନ୍ତୁ ସେଥିରେ ବିରାମ ଲାଗିଥିଲା । ଆଜି ପୁଣି ବୌଦ୍ଧ ସହର ମଧ୍ୟରୁ କରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ଆଜିର ପଜିଟିଭମାନଙ୍କ ମଧ୍ୟରୁ ଜଣେ ବୌଦ୍ଧ ସହର ଭୈରବୀ ଛକ ନିକଟରୁ ଓ ଅନ୍ୟ ଜଣକ ନୂଆଁ ଜେଲ୍ କଲୋନୀର ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଜିର ଦୁଇ ପଜିଟିଭକୁ ମିଶାଇଲେ ବୌଦ୍ଧରେ ମୋଟ୍ ପଜିଟିଭ ସଂଖ୍ୟା ୧୫୩ ରେ ପହଞ୍ଚିଲା । ସେହିପରି ୧୨୩ ଜଣ ସୁସ୍ଥ ହୋଇ ସାରିଥିବା ବେଳେ ବର୍ତ୍ତମାନ ୩୦ ଜଣ ଚିକିତ୍ସାଧୀନ ଅଛନ୍ତି ।
