୧୨୭ ବାଟାଲିୟନ ସିଆରପିଏଫ୍ ୮୨ତମ ବାର୍ଷିକ ଉତ୍ସବ ପାଳନ ବାଲିଗୁଡ଼ା: କନ୍ଧମାଳ ଜିଲ୍ଲା ବାଲିଗୁଡ଼ାରେ ଥିବା ୧୨୭ ବାଟାଲିୟନ ସିଆରପିଏଫ୍ ପକ୍ଷରୁ ୮୨ତମ ବାର୍ଷିକ ଉତ୍ସବ ପାଳିତ

ବାଲିଗୁଡ଼ା,୧୭/୩- କନ୍ଧମାଳ ଜିଲ୍ଲା ବାଲିଗୁଡ଼ାରେ ଥିବା ୧୨୭ ବାଟାଲିୟନ ସିଆରପିଏଫ୍ ପକ୍ଷରୁ ୮୨ତମ ବାର୍ଷିକ ଉତ୍ସବ ପାଳନ ହୋଇଯାଇଛି । ଏହି ଅବସରରେ ପ୍ରଥମେ ସକାଳୁ ସକାଳୁ ସମସ୍ତ ଅଫିସର ଓ ଜବାନ୍ ଏକାଠି ହୋଇ ସ୍ଥାନୀୟ ତ୍ରିବେଦୀ ପାର୍କରେ ସ୍ବଚ୍ଛ ଭାରତ କାର୍ଯ୍ୟକ୍ରମ କରିଥିଲେ । ଏହାପରେ ସିଆରପିଏଫ୍ କ୍ୟାମ୍ପ ପରିସରରେ ଥିବା ସ୍ବାସ୍ଥ୍ୟ କେନ୍ଦ୍ରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏଥିରେ ୩୦ଜଣ ଜବାନ୍ ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ । ବାର୍ଷିକ ଉତ୍ସବରେ ଏଭଳି ମହତ କାର୍ଯ୍ୟ କରି ନିଜକୁ ଧନ୍ୟ ମନେକରିଛନ୍ତି ଅଫିସର ଓ ଜବାନ୍ । ଏଥିସହିତ ଆଗାମୀ ଦିନରେ ମଧ୍ୟ ଗାଁ ଗହଳିରେ ଲୋକଙ୍କ ସମସ୍ୟା ବୁଝିବା ସହ ସଚେତନତା କାର୍ଯ୍ୟକ୍ରମ କରାଯିବ ବୋଲି କହିଛନ୍ତି କମାଣ୍ଡାଣ୍ଟ ।