ବୌଦ୍ଧ : କଣ୍ଟାମାଳ ବ୍ଲକ୍ ବରଗୋଛା ଗ୍ରାମ ପଂଚାୟତ ଅନ୍ତର୍ଗତ କନାବୀର ଗ୍ରାମକୁ ସବୁଦିନିଆ ରାସ୍ତାଟିଏ ନାହିଁ । ବାଟରେ ପଡୁଥିବା ନାଳ ଉପରେ ପୋଲ ହୋଇ ନଥିବାରୁ ବର୍ଷା ଦିନରେ ବାହ୍ୟ ଜଗତରୁ ବିଚ୍ଛିନ୍ନ ହୋଇ ପଡିଥାଏ । ଗ୍ରାମବାସୀ ବାରମ୍ବାର ବ୍ଲକ୍ ଓ ଗ୍ରାମ ପଂଚାୟତ କର୍ତ୍ତୃପକ୍ଷଙ୍କୁ ରାସ୍ତା ଓ ପୋଲ ନିର୍ମାଣ ପାଇଁ ଅନୁରୋଧ କଲେ ମଧ୍ୟ କୌଣସି ଫଳାଫଳ ମିଳୁନାହିଁ ବୋଲି ଗ୍ରାମର ୱାର୍ଡ ମେମ୍ବର ରାଘବ ଲୁହା ଅଭିଯୋଗ କରିଛନ୍ତି ।
ବର୍ଷା ଦିନେ ଗ୍ରାମକୁ ଆମ୍ବୁଲାନସ ପହଞ୍ଚି ପାରେ ନାହିଁ । ରୋଗୀଙ୍କୁ ଖଟିଆରେ ବୁହା ହୋଇ ଅଣାଯାଉଥିବା କହୁଛନ୍ତି । ସାଇକେଲ କିମ୍ବା ମଟର ସାଇକେଲ ମଧ୍ୟ ଯିବା ସମ୍ଭବ ହେଉନାହିଁ ବୋଲି ୱାର୍ଡ ମେମ୍ବର ଅଭିଯୋଗ କରିଛନ୍ତି । ପ୍ରଶାସନ ତୁରନ୍ତ ଏ ସମ୍ପର୍କରେ ପଦକ୍ଷେପ ନେବାକୁ ଅନୁରୋଧ କରିଛନ୍ତି
