ବୌଦ୍ଧ,୨୩/୧୦ – ଆଜି ମାତ୍ର 4 କରୋନା ପଜିଟିଭ ବୌଦ୍ଧ ଜିଲ୍ଲାରେ ଚିନ୍ହଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି l ଆଜି ଚିନ୍ହଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ବୌଦ୍ଧ ସହରାଞ୍ଚଳ ମଧ୍ୟରୁ 1 ଜଣ, କଣ୍ଟାମାଳ ବ୍ଲକ୍ କୁଲୁତାଜୋର୍ ଗ୍ରାମରୁ 1 ଜଣ, ସଦାନନ୍ଦ ପୁର୍ ଗ୍ରାମରୁ 1 ଜଣ ଓ ଅନ୍ୟ ଜଣେ ଜିଲ୍ଲା ବାହାରେ ପରିକ୍ଷା କରାଇ ପଜିଟିଭ ଚିନ୍ହଟ ହୋଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି l ଜିଲ୍ଲାରେ ଦିନକୁ ଦିନ କରୋନାର ପ୍ରକୋପ କମି କମି ଆସୁଥିବା ହେତୁ ଜନସାଧାରଣ ଆଶ୍ୱସ୍ତ ଅନୁଭବ କରୁଛନ୍ତି | ଜିଲ୍ଲାପାଳ ଲଲାଟେନ୍ଦୁ ମିଶ୍ର ଓ ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ଉଦ୍ୟମ ସମେତ କୋଭିଡ ଦାୟୀତ୍ବ ରେ ଥିବା ସମସ୍ତ ସ୍ବାସ୍ଥ୍ୟ କର୍ମି ମାନଂକ ଉଦ୍ୟମ ଏବଂ ଜନସାଧାରଣଙ୍କ ସଚେତନତା ଯୋଗୁଁ ଆଜି ବୌଦ୍ଧ ଜିଲ୍ଲାରେ କରୋନା କାବୁ ହେବାକୁ ଯାଉଛି l ସିଡିଏମଓ ଡାକ୍ତର ପ୍ରଧାନ କହିଛନ୍ତି ଯେ ଯେହେତୁ ବର୍ତ୍ତମାନ ପାର୍ବଣ ଋତୁ ଚାଲିଛି ଏ ସମୟରେ ସମସ୍ତ ଜନସାଧାରଣ ସତର୍କତା ଅବଲମ୍ବନ କରିବା ଆବଶ୍ୟକତା ରହିଛି | ଶୀତ ଦିନରେ କରୋନା ଅଧିକ ବ୍ୟାପିବାର ସମ୍ଭାବନା ଥିବା ଦୃଷ୍ଟିରୁ ଆମେ ସମସ୍ତେ ଅଧିକ ସତର୍କ ହେବାକୁ ପଡିବ | ଅସୁସ୍ଥ ଅନୁଭବ କଲେ କିମ୍ବା କରୋନାର କୌଣସି ଲକ୍ଷଣ ପ୍ରକାଶ ପାଇଲେ ତୁରନ୍ତ ସ୍ବାସ୍ଥ୍ୟ ପରୀକ୍ଷା କରାଇ ନେବାକୁ ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ଜନସାଧାରଣଙ୍କୁ ଅନୁରୋଧ କରିଛନ୍ତି |
