ଭୁବନେଶ୍ୱର : ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟାରେ ବ୍ରେକ ଲାଗୁନି । ଆଜି ପୁଣି ୭୬ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୭୪ଜଣ କ୍ୱାରେଣ୍ଟାଇନ ସେଣ୍ଟରର ହୋଇଥିବାବେଳେ ୨ଜଣ ସ୍ଥାନୀୟ ବୋଲି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ୱେବସାଇଟ୍ ମାଧ୍ୟମରେ ସୂଚନା ଦିଆଯାଇଛି । ଚିହ୍ନଟଙ୍କ ମଧ୍ୟରୁ ଗଞ୍ଜାମ ଜିଲ୍ଲାରୁ ୧୦, ବାଲେଶ୍ୱରରୁ ୨, ଖୋର୍ଦ୍ଧାରୁ ୧୩, କଟକରୁ ୧୧, ବଲାଙ୍ଗୀରରୁ ୧୬, ନୟାଗଡରୁ ୨, ଜଗତସିଂହପୁରରୁ ୬, ସୁନ୍ଦରଗଡରୁ ୨, ମୟୁରଭଞ୍ଜରୁ ୧, ନୂଆପଡାରୁ ୧୩ଜଣ ରହିଛନ୍ତି । ଏହି ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ପଜିଟିଭ ସଂଖ୍ୟା ୧୫୯୩ରେ ପହଞ୍ଚିଛି । ଏମାନଙ୍କ ମଧ୍ୟରୁ ୮୫୩ଜଣ ବିଭିନ୍ନ ହସ୍ପିଟଲରେ ଚିକିତ୍ସିତ ହେଉଥିବା ବେଳେ ୭୩୩ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସେହିପରି ୭ଜଣଙ୍କ କରୋନା ରୋଗରେ ଜୀବନ ଯାଇଛି ।
