ସମ୍ବଲପୁର : ସମ୍ବଲପୁର ରେଳ ମଣ୍ଡଳରେ ସ୍ୱଚ୍ଛ ରେଳ ସ୍ୱଚ୍ଛ ଭାରତ ସ୍ୱଚ୍ଛତା ପାକ୍ଷିକ ୧୬ ସେପ୍ଟେମ୍ବରରୁ ୩୦ ସେପ୍ଟେମ୍ବର ପର୍ଯ୍ୟନ୍ତ ଆୟୋଜିତ ହେଉଛି ।
ସମ୍ବଲପୁର ମଣ୍ଡଳର ବିଭିନ୍ନ ଷ୍ଟେସନରେ ୧୭ ଓ ୧୮ ତାରିଖରେ ସ୍ୱଚ୍ଛ ସମ୍ବାଦ ପାଳନ କରାଯାଇଛି । ଏନଜିଟି, ସ୍ୱଚ୍ଛତା ଓ ପର୍ଯ୍ୟାବରଣ ସଂରକ୍ଷଣ ନିୟମକୁ ନେଇ ଏକ ୱେବିନାର ଆୟୋଜନ କରାଯାଇଛି । ଏଥିରେ ସମ୍ବଲପୁର ରେଳମଣ୍ଡଳର ରେଳ ପ୍ରବନ୍ଧକ ପ୍ରଦୀପ କୁମାର ସମସ୍ତ ଅଧିକାରୀଙ୍କ ସହ ଭାଗ ନେଇଥିଲେ ଓ ଏହି ବିଷୟ ଉପରେ ଆଲୋଚନା କରିଥିଲେ । ସ୍ୱଚ୍ଛତା ସଂପର୍କରେ ସଚେତନତା ସୃଷ୍ଟି ପାଇଁ ରେଳ ଯାତ୍ରୀମାନଙ୍କ ସହିତ ମତ ବିନିମୟ ହୋଇଛି । ମଣ୍ଡଳର ସମସ୍ତ ପ୍ରମୁଖ ଷ୍ଟେସନ ଗୁଡିକରେ ଆବର୍ଜନା ସଫା ଓ ଯାଞ୍ଚ ଅଭିଯାନ ଆରମ୍ଭ ହୋଇଛି । ସିଙ୍ଗିଲ ୟୁଜ୍ ପ୍ଲାଷ୍ଟିକ୍ ବ୍ୟବହାରକୁ ବନ୍ଦ କରାଯାଇଛି ଏବଂ ବିଭିନ୍ନ ଷ୍ଟେସନରେ ୫୦ ମାଇକ୍ରୋନରୁ କମ୍ ପ୍ଲାଷ୍ଟିକ୍ ବ୍ୟବହାରକୁ ପ୍ରତିବନ୍ଧିତ କରିବା ନେଇ ଘୋଷଣା କରାଯାଇଛି ।
