ସୋନପୁର:ସୋନପୁର ବ୍ଲକ ମଲ୍ଲିକମୁଣ୍ଡା ଗ୍ରାମ ନିବାସୀ ବରିଷ୍ଠ ବିଜେପି ନେତା କେଦାର ଦାଶଙ୍କ ମାଁ ଆମ୍ବୋଦିନୀ ଦାଶଙ୍କ ପରଲୋକ ହୋଇଯାଇଛି । ମୃତ୍ୟୁ ସମୟରେ ତାଙ୍କୁ ୭୦ ବର୍ଷ ହେଉଥିଲା । ଗତକାଲି ସକାଳୁ ସେ ସୁସ୍ଥ ଥିଲେ । ହଠାତ ଛାତିରେ ଯନ୍ତ୍ରଣା ଅନୁଭବ କରିଥିଲେ ଓ ହୃତଘାତରେ ତାଙ୍କ ପରଲୋକ ହୋଇଥିଲା । ସ୍ୱର୍ଗତ ଆମ୍ବୋଦିନୀ ହେଉଛନ୍ତି ଶିକ୍ଷାବିତ ସ୍ୱର୍ଗତ ଆଚାର୍ଯ୍ୟ ଦାସଙ୍କ ପତ୍ନୀ । ମଲ୍ଲିକମୁଣ୍ଡା ଗାଁ ସ୍ୱର୍ଗଦ୍ୱାରରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଥିଲା । ପୁଅ କେଦାର, ବୋହୁ ମାନସି, ଝିଅ, ଜ୍ୱାଇଁ, ନାତିନାତୁଣୀଙ୍କୁ ଏକା ଛାଡି ସେ ଚାଲିଯାଇଛନ୍ତି । ତାଙ୍କ ପରଲୋକ ଖବର ପ୍ରଚାରିତ ହେବା ପରେ ଅଂଚଳରେ ଶୋକର ଲହରୀ ଖେଳିଯାଇଛି ।
