ପାଟଣାଗଡ: ବଲାଙ୍ଗୀର ଜିଲ୍ଲା ପାଟଣାଗଡ ଏନଏସି ଅଂଚଳର ବ୍ରହ୍ମପୁରା ନିକଟରେ ଥିବା ଭାନୁସାର ପୋଖରୀର ଅନତି ଦୂରରେ ଏକ ବମୁରଗଛରେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜମକ କାଦେପଡାର ସୁନ୍ଦଯ୍ୟ ଦଲେଇ(୪୨) ବୋଲି ପୁଲିସ ପକ୍ଷରୁ ଜଣାପଡିଛି । ସଂଧ୍ୟା ସମୟରେ ଲୋକେ ଶୈଚ ହେବାକୁ ଯାଇଥିଲେ । ଭାନୁସାଗର ପୋଖରୀ ନିକଟରେ ଥିବା ନାଳ ପାଖରେ ଏକ ବମୁର ଗଛରେ ଯୁବକଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ । ଖବରପାଇ ପାଟଣାଗଡ ପୁଲିସ ଘଟଣା ସ୍ଥଳକୁ ପହଞ୍ଚି ଉକ୍ତ ଝୁଲନ୍ତା ମୃତଦେହଟି କାଦୋପଡାର ସୁନ୍ଦଯ୍ୟ ଦଲେଇ ବୋଲି ଜଣାପଡିଛି । ଏହାପରେ ପୁଲିସ ମୃତ ଯୁବକଙ୍କ ପରିବାର ସହିତ ଯୋଗାଯୋଗ କରି ପରିବାର ଲୋକଙ୍କ ଉପସ୍ଥିତିରେ ଉକ୍ତ ଯୁବକର ମୃତଦେହ ଉଦ୍ଧାର କରିଛି । ଏପରି କଣ୍ଟା ଥିବା ବମୁର ଗଛକୁ କିପରି ଚଢିପାରିଲା ସ୍ଥାନୀୟ ଲୋକଙ୍କ ମନରେ ଆଶଙ୍କା ହେଉଛି । ଏହା ହତ୍ୟା ନା ଆତ୍ମହତ୍ୟା ପ୍ରଶ୍ନବାଚୀ ସୃଷ୍ଟି ହେଉଛି । ଏ ନେଇ ପାଟଣାଗଡ ପୁଲିସଅଧକାରୀ କେ. ପ୍ରିୟଙ୍କା ରାଉତରାୟ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରହିଥିବା ପୁଲିସ ସୂତ୍ରରୁ ସୂଚନା ମିଳିଛି ।
