ଜି.ଉଦୟଗିରି : ଅନ୍ତରଙ୍ଗ, କନ୍ଧମାଳ ପକ୍ଷରୁ ଦୁର୍ନୀତି ନିବାରଣ ସପ୍ତାହ ପାଳନ କରାଯାଇଛି । ବର୍ତ୍ତମାନ ଡିଜିଟାଲ ଯୁଗରେ ବିଭିନ୍ନ ବୈଷୟିକ ଜ୍ଞାନକୌଶଳରେ ଓ ସୋସିଆଲ ମିଡ଼ିଆ ମାଧ୍ୟମରେ କିଏ ତ ଲୋକମାନଙ୍କୁ ଠକୁଛନ୍ତି ଆଉ କିଏ ତ ଲୋକମାନଙ୍କର ଭଲ ପାଇଁ କାମ କରୁଛନ୍ତି । ଏହା ସହିତ ସମାଜରେ ଯେଉଁ ଦୁର୍ନୀତି ହେଉଛି ସେଥି ପ୍ରତି ଗ୍ରାମାଞ୍ଚଳର ଲୋକମାନେ ଏତେ ମାତ୍ରାରେ ଅବଗତ ନୁହଁନ୍ତି । ଲୋକମାନଙ୍କୁ ଏଥିପ୍ରତି ସଚେତନତ।। କରିବା ଏବଂ ଦୁର୍ନୀତି ବିଷୟରେ ଜାଣି ତାହାକୁ ବିରୋଧ କରିବା ପାଇଁ ସବୁବେଳେ ଆଗଧାଡ଼ିରେ ଠିଆ ହେବାକୁ ଲୋକମାନେ ଯେପରି ଆଗ୍ରହ କରିବେ, ଏହାର ମୂଳ ଉଦ୍ଦେଶ୍ୟ । ବ୍ୟାଙ୍କ, ଆଧାର, ଲଟେରୀ ଓ ଉପହାର ନାମରେ ଯେଉଁ ଦୁର୍ନୀତି ହେଉଛି ସେଥିପ୍ରତି ସଜାଗ ଏବଂ ସଚେତନ ରହିବା ପାଇଁ ଲୋକମାନଙ୍କୁ ସଚେତନ କରାଯାଉଛି । ଆଗାମୀ ୧ ନଭେମ୍ୱର ୨୦୨୧ ପର୍ଯ୍ୟନ୍ତ ବିଭିନ୍ନ ଗ୍ରାମରେ ଏହି ସଚେତନତା କାର୍ଯ୍ୟକ୍ରମ କରାଯିବ । ଏହା ସହିତ ମହିଳାଙ୍କ ସମ୍ପତ୍ତିଗତ ଅଧିକାର ଉପରେ ଆଲୋଚନା କରାଯାଇଛି ।
