ଗଞ୍ଜାମ :ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅନ୍ତରର୍ଗତ ଦେଓଗାଁ ନିକଟରେ ଆଜି ସକାଳ ୯.୩୦ ମିନିଟ ସମୟରେ ଗୋଟିଏ ଥରରେ ବସ,ଟ୍ରକ, ପିକଅପ୍ ଓ ବାଇକ ଧକ୍କାରେ ୩ଜଣ ଗୁରୁତର ହୋଇ କୋଦଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଛନ୍ତି । ଗୁରୁତର ଆହତମାନେ ହେଲେ ଦେଓଗାଁର କୁନା ସାହୁ, ଟ୍ରକ ଡ୍ରାଇଭର ହରି ପ୍ରଧାନ, ବାଇକ ଚାଳକ ନାରାୟଣ ଯାନୀ । ପ୍ରାଥମିକ ଚିକିତ୍ସା ପରେ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ ମେଡିକାଲକୁ ପଠେଇ ଦିଆଯାଇଛି । ଆସ୍କାଠାରୁ ଖଲିକୋଟ ଅଭିମୁଖେ ଯାଉଥିବା ଟ୍ରକ ଓ ବିପରୀତ ଦିଗରୁ ଆସୁଥିବା ମାଣିବାବା ବସ୍କୁ ଧକ୍କା ଦେଇଥିଲା, ଫଳରେ ବସ୍ଟି କାଟିବା ପାଇଁ ଚେଷ୍ଟା କରିଲା ବେଳେ ଏକ ପିକଅପ୍କୁ ଧକ୍କା ଦେଇଥିଲା । ବସ୍ ସେଇପଟେ ଟ୍ରକ ଡ୍ରାଇଭର ନିୟନ୍ତ୍ରଣ ହରାଇ ବାଇକକୁ ମଧ୍ୟ ଧକ୍କା ଦେଇଥିଲା ।
