ଫୁଲବାଣୀ : ଫୁଲବାଣୀ ବାଲିଗୁଡା ମୁଖ୍ୟ ରାସ୍ତାର ଲଦା ଗାଁ ଠାରେ ଖମ୍ବେଶ୍ୱରୀ ନାମକ ଏକ ଘରୋଇ ବସ ଧକ୍କାରେ ଜଣେ ସ୍କୁଟି ଚାଳକଙ୍କ ମୃତ୍ୟୁ ହୋଇ ଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ମୃତକ ହେଲେ ଫିରିଙ୍ଗିଆ ବ୍ଲକ ବନ୍ଧଗଡ଼ ଗାଁର ସିମାଞ୍ଚଳ କହଁର ଓ ଗୁରୁତର ଆହତ ଜଣକ ବନ୍ଧଗଡ଼ ପଂଚାୟତ ଚଢିଆପାଳି ଗାଁର ଜଗା ନାୟକ ବୋଲି ସୂଚନା ମିଳିଛି ବାଲିଗୁଡା ପଟୁ ଆସୁଥିବା ଉକ୍ତ ବସଟି ଲଦାଗାଁ ନିକଟରେ ପୁଲବାଣୀ ପଟୁ ଆସୁଥିବା ଏକ ସ୍କୁଟିକୁ ସାମନା ପଟୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ସିମାଞ୍ଚଳଙ୍କ ମୃତ୍ୟୁ ହୋଇ ଥିବାବେଳେ ଜଗାଙ୍କୁ ପ୍ରଥମେ ଫିରିଙ୍ଗିଆ ମେଡିକାଲ ଓ ପରେ ଫୁଲବାଣୀ ମୁଖ୍ୟ ଚିକତ୍ସା ଲୟକୁ ସ୍ଥାନାନ୍ତର କରାଯାଇଛି । ଖବରପାଇ ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ଉଭୟ ମୃତ ଓ ଆହତ ବ୍ୟକ୍ତିଙ୍କୁ ଫିରିଙ୍ଗିଆ ମେଡିକାଲକୁ ଆଣିଥିଲେ । ମେଡିକାଲରେ ଫିରିଙ୍ଗିଆ ପୋଲିସ ଏଏସଆଇ କୃଷ୍ଣଚନ୍ଦ୍ର ଗୌଡ଼ ଟିମ ସହ ପହଞ୍ଚି ତଦନ୍ତି ଜାରି ରଖିଥିବା ଜଣାପଡିଛି ।
