ଲିଡ୍ସ : ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ସ୍ୱାମୀ ତଥା ଭାରତୀୟ ଅଧିନାୟକ ବିରାଟ କୋହଲିଙ୍କ ସହ ଇଂଲଣ୍ଡରେ ଅଛନ୍ତି । ସୋମବାର ବିରୁଷ୍କା ଲିଡ୍ସର ଏକ ଭାରତୀୟ ରେଷ୍ଟୁରାଣ୍ଟରେ ଭାରତର ଲୋକପ୍ରିୟ ଉତ୍ସବ ଔଣମ ପାଳନ କରିଛନ୍ତି । ଏହି ଉତ୍ସବ ପ୍ରାୟତଃ କେରଳ ପାଳନ କରାଯାଏ । ବିରୁଷ୍କା ଏହି ଅବସରରେ କେତେକ ଫଟୋ ଓ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ସେହିପରି ରେଷ୍ଟୁରାଣ୍ଟ ପାଇଁ ବିରାଟ ଏକ ସ୍ୱତନ୍ତ୍ର ବାର୍ତ୍ତା ମଧ୍ୟ ଲେଖିଛନ୍ତି ।
ବିରୁଷ୍କା ରେଷ୍ଟୁରାଣ୍ଟରେ ଲୋକପ୍ରିୟ କେରଳ ବ୍ୟାଞ୍ଜନ ଖାଇଛନ୍ତି । ଭାଇରାଲ ଫଟୋରେ ଅନୁଷ୍କା ଧଳା ରଙ୍ଗର ପୋଷାକ ପିନ୍ଧିଥିବାର ନଜର ଆସିଛନ୍ତି । ଅନ୍ୟପକ୍ଷରେ ବିରାଟ କୋହଲି କଳା ଟି-ସାର୍ଟ ଏବଂ ଧୂସର ପ୍ୟାଣ୍ଟ ପିନ୍ଧିଥିବାର ନଜର ଆସିଛନ୍ତି । ଭାଇରାଲ୍ ଫଟୋରେ ଅନୁଷ୍କା ଏବଂ ବିରାଟ ମଧ୍ୟ ହୋଟେଲ କର୍ମଚାରୀଙ୍କ ସହ ଫଟୋପୋଜ୍ ଦେଉଥିବା ନଜର ଆସିଛନ୍ତି । ରେସ୍ତୋରାଁର ଅନ୍ୟ ଅତିଥିମାନଙ୍କ ସହ ମଧ୍ୟ ସେମାନେ ଫଟୋ ପୋଜ୍ ଦେଇଥିଲେ ।
ବିରାଟ କୋହଲିଙ୍କ ଜଣେ ପ୍ରଶଂସକ ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ବିରାଟ ଏକ ପ୍ଲେଟରେ କଳା ମାର୍କର ସାହାଯ୍ୟରେ ରେଷ୍ଟୁରାଣ୍ଟ ପାଇଁ ଏକ ସ୍ୱତନ୍ତ୍ର ବାର୍ତ୍ତା ଲେଖିଛନ୍ତି । ବିରାଟ ବାର୍ତ୍ତାରେ ଲେଖିଛନ୍ତି, “ଆମେ ସବୁବେଳେ ଏଠାକୁ ଆସି ଖାଇବାକୁ ଭଲ ପାଉ । ଏଠାରେ ଆତିଥ୍ୟ ଆଶ୍ଚର୍ଯ୍ୟଜନକ ଅଟେ । ଆମକୁ ସର୍ବଦା ଭଲପାଇବା ଓ ଯତ୍ନ ସହକାରେ ଖାଦ୍ୟ ପରଷା ଯାଏ । ଆପଣଙ୍କୁ ପାଇଁ ଶୁଭକାମନା । ପ୍ରେମ, ବିରାଟ ଏବଂ ଅନୁଷ୍କା ।
