ପୁରୀ : ଆମ ଆଦମୀ ପାର୍ଟି ର ଓଡିଶା ପ୍ରଭାରୀ ସଂଜୟ ସିଂ ଆଜି ପୁରୀ ଗସ୍ତରେ ଆସି ମହାପ୍ରଭୁ ଙ୍କୁ ଦର୍ଶନ କରିଛନ୍ତି । ମହାପ୍ରଭୁଙ୍କ ଦର୍ଶନ ପାଇ ସେ ଆନନ୍ଦ ଅନୁଭବ କରିଥିବା କହିଛନ୍ତି । ଏହି ଅବସର ଗଣମାଧ୍ୟମ ପ୍ରତିନିଧିଙ୍କୁ ଭେଟି ଓଡିଶା ଶାସନ ସ୍ଥିତି ଓ ଆପ ର ଓଡିଶା ରେ ଆଗାମୀ ଦିନରେ କଣ ରହିଛି ଯୋଜନା ସେ ନେଇ ମତ ରଖିଥିଲେ । ଆସନ୍ତା ପଞ୍ଚୟତ ନିର୍ବାଚନ ରେ ଆପ ଓଡିଶା ରେ ନିର୍ବାଚନ ଲଢ଼ିବ ବୋଲି ଆପ ର ଓଡିଶା ପ୍ରଭାରୀ ସଂଜୟ ସିଂ କହିଛନ୍ତି । ସେ ବିଜେଡି ସରକାରଙ୍କ ନିତିକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମାଲୋଚନା କରିଛନ୍ତି । ଯେଉଁ ଭଳି ଭାବେ ସରକାର ଓଡ଼ିଶାରେ ୧୪ ହଜାର ସରକାରୀ ସ୍କୁଲ ବନ୍ଦ କଲେ ତାକୁ ନେଇ ଆପ ପ୍ରଶ୍ନ ଉଠାଇଛି । ଗରିବ ଲୋକଙ୍କ ପିଲା ମାନେ ଏହା ଦ୍ୱାରା କ୍ଷତିଗ୍ରସ୍ତ ହେବେ ବୋଲି ଆପ କହିଛି । ସେହିପରି ଓଡିଶା ବଳକା ବିଦ୍ୟୁତ ଉତ୍ପାଦନ ରାଜ୍ୟ ହୋଇ ଥିବା ବେଳେ ପ୍ରଥମ ୨ ଶହ ୟୁନିଟ କାହିଁକି ସରକାର ମାଗଣାରେ ଲୋକଙ୍କୁ ଯୋଗାଇ ନାହାନ୍ତି ସେ ନେଇ ସଂଜୟ ସିଂ ପ୍ରଶ୍ନ କରିଛନ୍ତି । ସେହିପରି ଓଡିଶାରେ ମହିଳାଙ୍କ ଉପରେ ଅତ୍ୟାଚାର ବୃଦ୍ଧି ପାଉଥିବା ବେଳେ ସରକାର କୌଣସି ପଦକ୍ଷେପ ନ ନେବା ଅତ୍ୟନ୍ତ ଦୁଃଖର ବିଷୟ ବୋଲି ଆପ କହିଛି । ତେବେ ଓଡିଶା ଲୋକ ଚାହିଁଲେ ହିଁ ଆପ ନିର୍ବାଚନ ରେ ଜିତି ପାରିବ । ତେବେ ଆପ କ୍ଷମତା ଆସିଲେ ମାଗଣା ବିଦ୍ୟୁତ, ଶିକ୍ଷା , ସ୍ୱାସ୍ଥ୍ୟ ପ୍ରଦାନ ସହିତ ମହିଳାଙ୍କ ସୁରକ୍ଷା , ଆଇନ ଶୃଙ୍ଖଳା ଉପରେ ସ୍ୱତନ୍ତ୍ର ଧ୍ୟାନ ଦେବ ବୋଲି ଓଡିଶା ଆପ ପ୍ରଭାରୀ ସଂଜୟ ସିଂ ଗଣମାଧ୍ୟମକୁ କହିଛନ୍ତି ।
