ଦଶପଲ୍ଲା : ଦଶପଲ୍ଲା ବ୍ଲକ୍ କୁଲୁରୁକୁମ୍ପା ପଞ୍ଚାୟତ ଦୁର୍ଗାପ୍ରସାଦରେ ଥିବା ବାବା ଯୋଗେଶ୍ବର ମନ୍ଦିରର ତୋରଣ ନିର୍ମାଣ ପାଇଁ ସମାଜସେବୀ ଶ୍ରୀହରି ନାୟକ ବିଗତ ଦିନରେ ପ୍ରତିଶ୍ରୁତି ଦେଇଥିଲେ । କିଛିଦିନ ତଳେ ଗ୍ରାମର ସମସ୍ତ ଗ୍ରାମବାସୀ ଶ୍ରୀ ନାୟକଙ୍କ ପାଖକୁ ଯାଇ ଗ୍ରାମରେ ଥିବା ମନ୍ଦିରର ଉନ୍ନତିକରଣ ସମ୍ପର୍କରେ ଜଣାଇଥିଲେ । ମନ୍ଦିରର ଉନ୍ନତି କରିବା ନିମନ୍ତେ ଶ୍ରୀ ନାୟକ ପ୍ରତିଶୁତି ମଧ୍ୟ ଦେଇଥିଲେ । ସୂଚନାମୁତାବକ, ଆଜି ଶ୍ରୀ ନାୟକ ଗ୍ରାମରେ ପହଞ୍ଚିଥିଲେ । ଗ୍ରାମବାସୀମାନେ ଏକ ବିରାଟ ପଟୁଆରରେ ଶ୍ରୀ ନାୟକଙ୍କୁ ପାଛୋଟି ନେଇଥିଲେ ଏବଂ ବୈଦିକ ମନ୍ତ୍ରପାଠ ପରେ ବାବା ଯୋଗେଶ୍ବରଙ୍କ ତୋରଣ ନିର୍ମାଣ ପାଇଁ ଶୁଭ ଅନୁକୂଳ କରିଥିଲେ । ଏହି ମହତ୍ କାର୍ଯ୍ୟ ପାଇଁ ଶ୍ରୀ ନାୟକଙ୍କୁ ଗ୍ରାମବାସୀଙ୍କ ତରଫରୁ ସମ୍ବର୍ଦ୍ଧିତ କରିବା ସହିତ ତାଙ୍କର ଧାର୍ମିକ କାର୍ଯ୍ୟକୁ ପ୍ରଶଂସା କରିଥିଲେ ।
