ବଲାଙ୍ଗୀର ,୨୧/୧ – ପୁଇଁତଳା ବ୍ଳକ ଛତାପିପଲ ପଞ୍ଚାୟତର କୁଣ୍ଡାମାଳ ଠାରେ ପୁଇଁତଲା ପ୍ରଗତି ଫାରମର ପ୍ରଡ୍ୟୁସର କମ୍ପାନୀର ବୈଠକ ଅନୁଷ୍ଠିତ ହୋଇଥିଲା । ଏମ୍ ଡି ପ୍ରଦୀପ ପଧାନଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ନାବାର୍ଡ ଡିଡିଏମ୍ ଲକ୍ଷ୍ମଣ ସା ଓ ମହାଶକ୍ତି ଫାଉଣ୍ଡେସନ କୋର୍ଡିନେଟର ହୃଷିକେଶ ସାହୁ ଯୋଗଦାନ କରିଥିଲେ । ଦେବ ପଧାନ ଓ ଜିତେନ୍ଦ୍ର ମିଶ୍ର ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ । ମୋତିଲାଲ ମିଶ୍ର ପୁଇଁତଲା ପ୍ରଗତି ଏଫପିଓର ଲକ୍ଷ୍ୟ ଉଦ୍ଦେଶ୍ୟ ଓ ଅଗ୍ରଗତି ବିବରଣୀ ଉପସ୍ଥାପନ କରିଥିଲେ । ଶ୍ରୀଯୁକ୍ତ ନାବାର୍ଡ ଡିଡିଏମ୍ ଓ ସାହୁ ଏଫପିଓ ଦ୍ୱାରା କୃଷି ଓ କୃଷକର ବିକାଶ ପାଇଁ ସରକାରଙ୍କ କାର୍ଯ୍ୟକ୍ରମ ଓ ସହାୟତା ତଥା ଏକ ସଶକ୍ତ ଏଫପିଓ ଗଠନର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ । ଆଲୋଚନାରେ ପ୍ରଶାନ୍ତ ଡାଙ୍ଗ, ବୃନ୍ଦାବନ କ୍ଷେତି, ବନମାଳି ଖମାରୀ, ତ୍ରିନାଥ ମହାକୁର, ମନୋରଞ୍ଜନ ନାଏକ, ସହଦେବ, ଶ୍ରୀକାନ୍ତ ମହାକୁର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । ଶେଷରେ ମଧୁସୂଦନ କ୍ଷେତି ଧନ୍ୟବାଦ ଦେଇଥିଲେ । ଆଶିଷ ଛନ୍ଦ, ଗୋପାଳ ଚନ୍ଦ୍ର ପଟେଲ, ଚିତ୍ତରଞ୍ଜନ ପଟେଲ, ବୃନ୍ଦାବନ ପଟେଲ ଓ ଅନ୍ୟମାନେ ଯୋଗଦାନ କରିଥିଲେ ।
