ବଲାଙ୍ଗୀର /ପାଟଣାଗଡ,୨୮/୧୧- ଖପ୍ରାଖୋଲ ଥାନା ଜୁନାନୀବାହାଲ ଗାଁ ନିକଟରେ ଗତରାତିରେ ପୋଲିସ ଓ ନକ୍ସଲ ମୁହାଁମୁହିଁ ହୋଇଥିଲେ । ଗୁଳି ବିନିମୟ ବେଳେ ଜଣେ ନକ୍ସଲ ନିହତ ହୋଇଥିବା ଜଣାପଡିଛି । ଗନ୍ଧମାର୍ଦ୍ଦନ ପାହାଡ ନିକଟସ୍ଥ ଜଙ୍ଗଲ ଅଞ୍ଚଳରେ ବିଭିନ୍ନ ସମୟରେ ନକ୍ସଲ ଗତିବିଧି ଚାଲିଥାଏ । ଗତ ସନ୍ଧ୍ୟାରେ କୌଣସି ସୁତ୍ରରୁ ଖବରପାଇ ପୋଲିସ ଓ ଡିଭିଏଫ ଟିମ୍ ଟିମ୍ କୁମ୍ବିଙ୍ଗ୍ ଆରମ୍ଭ କରିଥିଲେ । ଉଭୟ ପକ୍ଷରୁ ଗୁଳି ବିନିମୟ ହୋଇଥିଲା । ଜଣେ ନକ୍ସଲ ନିହତ ହୋଇଥିବା ବେଳେ ଆଉ କିଛି ଆହତ ହୋଇଥିବା ଅନୁମାନ କରାଯାଏ । ଗୋଟେ ଏସ୍ଏଲ୍ଆର୍ ଓ ମୃତ ନକ୍ସଲ ମର ଶରୀର ପୋଲିସ ଜବତ କରିଛି । ଘଟଣାସ୍ଥଳରେ ଜିଲ୍ଲା ଆରକ୍ଷୀ ଅଧିକ୍ଷକ ମଧ୍ୟ ପହଞ୍ଚି ପରିସ୍ଥିତି ଅନୁଧ୍ୟାନ କରିଥିଲେ । ମୃତ ଦେହ ନିକଟରୁ ଏକ ବନ୍ଧୁକ ଜବତ କରିଥିବା ବେଳେ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ବଲାଙ୍ଗିର ନେଇଥିବା ଜଣାଯାଇଛି । ଘଟଣା ପରେ ଜୁନାନିବାହାଲ ଗାଁ ଚାରିପଟେ ସି.ଆର.ପି.ଏପ ଏବଂ ପୋଲିସ ଘେରି ରହିଥିବା ବେଳେ ସର୍ଚ୍ଚ ଅପରେସନ ଜାରି ରହିଛି । ଯେଉଁ ଘରେ ମାଓବାଦୀ ଥିଲେ ସେହି ପରିବାରକୁ ପୋଲିସ ପଚରା ଉଚୁରା କରୁଥିବା ବେଳେ ଗଣମାଧ୍ୟମ ସମ୍ମୁଖରେ କିଛି କହିବାକୁ ପୋଲିସ ମନାକରି ଦେଇଛି ।
