ବାଲିଗୁଡ଼ା,୧୫/୩- ଦୀର୍ଘ ମାସରୁ ଫେରାରଥିବା ଗଞ୍ଜେଇ ମାଫିଆ ବାଲିଗୁଡ଼ାଥାନା ଲଣ୍ଡାଗାଁ ପଞ୍ଚାୟତର ମୁଠାବାଲି ଗ୍ରାମରୁ ପୋଲିସ୍ ଦ୍ୱାରା ଗିରଫ ହୋଇଛି । ଗିରଫ ଗଞ୍ଜେଇ ମାଫିଆ ଜଣକ ମୁଠାବାଲି ଗ୍ରାମର ପ୍ରକାଶ ମହାନନ୍ଦ ହୋଇଥିବା ସୂଚନା ମିଳିଛି । ସୂଚନା ପ୍ରକାରେ ୨୦୨୦ ମସିହାର ଏକ ଗଞ୍ଜେଇ ଚୋରାଚାଲାଣ ମାମଲାରେ ଅଭିଯୁକ୍ତ ଫେରାର ହୋଇଯାଇଥିଲା । ଏହି ଗଞ୍ଜେଇ ମାଫିଆକୁ ଧରିବାପାଇଁ ପୋଲିସ ଜାଲ ବିଛାଇଥିଲା । ବାଲିଗୁଡ଼ା ଏସଡିପିଓ ମନୋଜ ପୂଜାରୀଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍ ଗଠନ ହୋଇଥିଲା ଏବଂ ଦୀର୍ଘ ମାସ ଧରି ଫେରାରଥିବା ଗଞ୍ଜେଇ ମାଫିଆକୁ ଧରିବାସହ ଗିରଫକରି କୋର୍ଟଚାଲାଣ କରିବାରେ ସକ୍ଷମ ହୋଇଥିବା ପୋଲିସ୍ ପକ୍ଷରୁ ସୂଚନା ମିଳିଛି ।
