ବାଲିଗୁଡ଼ା,୮/୫: କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତ ଜଗେରମାହା ଗ୍ରାମରେ ଅଘଟଣ । ସର୍ଟସର୍କିଟ୍ରୁ ଘର ଜଳି ସମ୍ପୂର୍ଣ୍ଣ ପୋଡ଼ିଯାଇଛି । ତେବେ ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତି ଯାଇଛନ୍ତି ଘରେ ଥିବା ପରିବାର ଲୋକେ । ଗ୍ରାମର ଜସେଫ ପ୍ରଧାନଙ୍କ ଘରେ ନିଆଁ ଲାଗି ଯାଇଥିବା ଫଳରେ ତାଙ୍କର ଲକ୍ଷାଧିକ ଟଙ୍କାର ସମ୍ପତି ଜଳିପୋଡି ପାଉଁଶ ହୋଇଯାଇଛି । ଜସେଫ ଓ ତାଙ୍କ ପରିବାର ସଦସ୍ୟ କାମ କରିବାପାଇଁ ବାହାରକୁ ଯାଇଥିବା ବେଳେ ବିଦ୍ୟୁତ ସର୍ଟସର୍କିଟ ଯୋଗୁଁ ଘରେ ନିଆଁ ଲାଗିଯାଇଥିଲା । ଏହାପରେ ଘରେ ଥିବା ଗ୍ୟାସ ହାଣ୍ଡି ଫାଟିଯିବା ଫଳରେ ନିଆଁର ପ୍ରକୋପ ବୃଦ୍ଧି ଯୋଗୁଁ ନିଆଁକୁ ଆୟତ୍ତ କରିହେଲା ନାହିଁ । ଦାରିଙ୍ଗବାଡି ଅଗ୍ନିଶମ ବିଭାଗ ପହଁଚିବା ବେଳକୁ ଘର ସମ୍ପୂର୍ଣ୍ଣ ପୋଡି ଯାଇଥିଲା । ନିଆଁ ଲାଗିବା ଦ୍ୱାରା ଜୋସେଫ ଙ୍କ ଘରେ ଥିବା ନଗଦ ୧ ଲକ୍ଷ ୬୦ ହଜାର ଟଙ୍କା,ସୁନା ୬୦ ଗ୍ରାମ,ରୁପା ଟଙ୍କା ୩୦ ଗୋଟି ସହ ପାଉଁଜି,ଚାଉଳ ୧୦ କ୍ୱିଣ୍ଟାଲ,ଧାନ ୧୦୦ ବସ୍ତା,ଚୁନା ମିଲ ,୨୫ ଗୋଟି ପିତଲ ମାଠିଆ,୬୦ ହଜାର ଟଙ୍କାର କ୍ୟାସିଓ ,୫ ଗୋଟି ଆଣ୍ଡ୍ରଏଡ ମୋବାଇଲ,ସୋଲାର ପ୍ଲେଟ, ସହ ଘରେ ଥିବା ବିଭିନ୍ନ ଜରୁରୀ ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି ।
