ବାଲିଗୁଡ଼ା,୧୬/୮: ବିଜେଡିରେ ମିଶିଲେ କନ୍ଧମାଳ ଜିଲ୍ଲା କ.ନୂଆଗାଁର ବିଜେପିର ଜଣେ ବରିଷ୍ଠ ନେତା ଶ୍ୟାମସୁନ୍ଦର ପ୍ରଧାନ । ବାଲିଗୁଡ଼ା ବିଧାୟକ ଚକ୍ରମଣି କହଁରଙ୍କ ଉପସ୍ଥିତିରେ ପଦ୍ମ ଛାଡ଼ି ଶଙ୍ଖ ଧରିଛନ୍ତି ଶ୍ୟାମସୁନ୍ଦର । ଦୀର୍ଘବର୍ଷ ବିଜେପି ପାଇଁ ନିଷ୍ଠାପର ଭାବେ କାମକରି ଆସୁଥିଲେ ମଧ୍ୟ ବର୍ତ୍ତମାନ ସମୟରେ ଅଣଦେଖା କରାଯାଉଛି । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଓ ରାଜ୍ୟର ବିକାଶରେ ଅନୁପ୍ରାଣିତ ହୋଇ ବିଜେପି ଛାଡ଼ି ବିଜେପିରେ ଯୋଗ ଦେଇଛି ବୋଲି କହିଛନ୍ତି ଶ୍ୟାମସୁନ୍ଦର । ସେପଟେ ଶ୍ୟାମସୁନ୍ଦରଙ୍କ ଯୋଗଦାନ ବର୍ତ୍ତମାନ ଦଳକୁ ଆହୁରି ମଜବୁତ୍ କରିବ ବୋଲି କହିଛନ୍ତି ବାଲିଗୁଡ଼ା ବିଧାୟକ ଚକ୍ରମଣି କହଁର । ଏହି କାର୍ଯ୍ୟକ୍ରମରେ ବିଧାୟକଙ୍କ ସମେତ କୃଷ୍ଣମୋହନ ପାଣିଗ୍ରାହୀ, କ.ନୂଆଗାଁ ବ୍ଲକ୍ ସଭାପତି ବାସୁଦେବ ପଣ୍ଡା, ତୁମୁଡ଼ିବନ୍ଧ ବ୍ଲକ୍ ସଭାପତି ପ୍ରମୋଦ କୁମାର ସାହୁ, ସୁଲୋଚନା ଦଳବେହେରା, ଅନୀତା ମଲ୍ଲିକ, ସହଦେବ ପାତ୍ର, ରଘୁନାଥ ବିଶୋଇ, ଛାତ୍ର ସଭାପତି ଦେବବ୍ରତ ବିଶୋଇ, ରଞ୍ଜିତ ସାହୁ, ପ୍ରମୋଦ ସାହୁ, ଡିଜିଟାଲ ସମ୍ପାଦକ ଚନ୍ଦ୍ରଶେଖର ପାତ୍ର, ପ୍ରମୋଦ ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।
