ବାଲିଗୁଡ଼ା,୨୬/୯- କନ୍ଧମାଳ ଜିଲ୍ଲା କ. ନୂଆଗାଁ ପ୍ରେସ୍କ୍ଲବ ପକ୍ଷରୁ ଦିବଙ୍ଗତ ନିର୍ଭିକ ସାମ୍ବାଦିକ ଅରିନ୍ଦମ୍ ଦାସଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ସ୍ଥାନୀୟ ହନୁମାନ ମନ୍ଦିର ନିକଟରେ ସମସ୍ତ କାର୍ଯ୍ୟରତ ସାମ୍ବାଦିକ ଉପସ୍ଥିତ ରହି ଦିବଙ୍ଗତ ସାମ୍ବାଦିକ ଅରିନ୍ଦମ୍ ଦାସଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇମିନିଟ୍ ନିରବ ପ୍ରାର୍ଥନା କରିଥିଲେ । ଏହାପରେ ଅରିନ୍ଦମ ଦାସଙ୍କ ଫୋଟଚିତ୍ରରେ ପୁଷ୍ପମାଲ୍ୟ ଅର୍ପଣ କରିବାସହ କ୍ୟାଣ୍ଡେଲ ଜାଳିଥିଲେ ସମସ୍ତ ସାମ୍ବାଦିକ । ଏଥିରେ ବରିଷ୍ଠ ସାମ୍ବାଦିକ ସୁବାସ ଚନ୍ଦ୍ର ମହାରଣା, ସତ୍ୟ ନାରାୟଣ ପଣ୍ଡା ,ସନ୍ତୋଷ କୁମାର ଦାସ, କାଳୀପ୍ରସାଦ ତ୍ରିପାଠୀ, ନିରଞ୍ଜନ ବିଶୋଇ, ଭାଗିରଥି ନାଥ ପ୍ରମୁଖ ଉପସ୍ଥିତ ରହି ଦିବଙ୍ଗତ ସାମ୍ବାଦିକ ଅରିନ୍ଦମ ଦାସଙ୍କ କର୍ତ୍ତବ୍ୟ, ନିଷ୍ଠାପରତାକୁ ନେଇ ଶୋକ ପ୍ରକାଶ କରିବା ସହିତ ସ୍ମୃତିଚାରଣ କରିଥିଲେ ।
