ବାଲିଗୁଡ଼ା,୧୭/୩- ଫେରାର ଗଞ୍ଜେଇ ମାଫିଆ ଗିରଫ । ଗିରଫ ମାଫିଆ ଜଣକ କଳାହାଣ୍ଡି ଜିଲ୍ଲା ମୋହନଗିରି ଅଞ୍ଚଳର ବିଜୟ ମାଝୀକୁ ବାଲିଗୁଡ଼ା ଥାନା ସୁନାପାଙ୍ଗା ଅଞ୍ଚଳରୁ ଗିରଫ କରିଛି ପୋଲିସ୍ । ସୂଚନା ପ୍ରକାରେ ଗତ ୧୨ ତାରିଖ ସନ୍ଧ୍ୟା ସମୟରେ ଗଞ୍ଜେଇ ଚୋରାଚାଲାଣ ପାଇଁ ସଜବାଜ ହେଉଥିବାବେଳେ ସିନ୍ଦ୍ରିଗାଁ ଖଡ଼ଗନଦୀ ପୋଲ ନିକଟରେ ଚଢ଼ାଉ କରିଥିଲା ବାଲିଗୁଡ଼ା ପୋଲିସ । ଘଟଣାସ୍ଥଳରୁ ୧୦୩ କେଜିରୁ ଉର୍ଦ୍ଧ୍ୱ ଗଞ୍ଜେଇ ଜବତ କରିବାସହ ବାପିତ ମାଝୀ ନାମକ ଜଣେ ମାଫିଆକୁ ଗିରଫ କରିଥିଲା ପୋଲିସ୍ ହେଲେ ଅନ୍ୟଜଣେ ଘଟଣାସ୍ଥଳରୁ ଫେରାର ହୋଇଯାଇଥିଲା । ଫେରାର ମାଫିଆକୁ ଧରିବାପାଇଁ ବାଲିଗୁଡ଼ା ଏସଡିପିଓଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ଅଭିଯୁକ୍ତକୁ ଟ୍ରାକ୍ କରୁଥିଲା ପୋଲିସ୍ । ୫ଦିନ ଭିତରେ ଫେରାର ମାଫିଆକୁ ବାଲିଗୁଡ଼ାଥାନା ସୁନାପାଙ୍ଗା ଅଞ୍ଚଳରୁ ଗିରଫ କରିବାରେ ସକ୍ଷମ ହୋଇଛି ପୋଲିସ୍ । ଦୀର୍ଘ ଦିନ ଧରି ସମ୍ପୃକ୍ତ ଗଞ୍ଜେଇ ମାଫିଆ ଦ୍ୱୟ ସୁନାପାଙ୍ଗା ଅଞ୍ଚଳରେ ରହି ଏହି କାରବାର ଚଳାଇ ଆସୁଥିଲେ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
