ଭୁବନେଶ୍ୱର: ଆଜି ରାଜଧାନୀ ଭୁବନେଶ୍ୱର ଅଂଚଳରୁ ପୁଣି ୯ଟି କରୋନା ପଜିଟିଭ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୪ଜଣ ସଂଗରୋଧ ଓ ୫ଜଣ ସ୍ଥାନୀୟ ଅଂଚଳର ବୋଲି ଜଣାପଡିଛି । ୫ଜଣ ସ୍ଥାନୀୟ ଅଂଚଳ ସଂକ୍ରମିତଙ୍କ ମଧ୍ୟରୁ ତିନିଜଣ କୋଭିଡ ହସ୍ପିଟାଲର କର୍ମଚାରୀ ଥିବା ବେଳେ ଏମାନଙ୍କ ମଧ୍ୟରୁ ୨ଜଣ ପୁରୁଷ ଓ ଜଣେ ମହିଳା ଅଟନ୍ତି । ଅବଶିଷ୍ଟ ୨ଜଣ ଗାଡକୋଣ ମହିମାନଗର ଅଂଚଳର ହୋଇଥିବା ଜଣାପଡିଛି । ସେମାନେ ଗୋଟିଏ ପରିବାରର ବୋଲି ଜଣାପଡିଛନ୍ତି । ଉଲ୍ଲେଖଯୋଗ୍ୟ ଗୁରୁବାର ରାଜ୍ୟରେ ୧୭୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।ଏମାନଙ୍କ ମଧ୍ୟରୁ ୧୪୬ କ୍ୱାରେଣ୍ଟାଇନ ସେଣ୍ଟର ଓ ୨୮ଟି ଲୋକାଲ କେସ୍ ରହିଛି । ଏହାକୁ ମିଶାଇ ରାଜ୍ୟର ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୪୫୧୨କୁ ବୃଦ୍ଧି ପାଇଛି ବୋଲି ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ଟ୍ୱିଟର ଜରିଆରେ ଉଲ୍ଲେଖ କରାଯାଇଛି ।
