ଭୁବନେଶ୍ୱର: ଭୁବନେଶ୍ୱରରେ ଜଣେ ପୁଲିସ କର୍ମଚାରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏ ନେଇ କମିଶନରେଟ ପୁଲିସ ପକ୍ଷରୁ ସ୍ପଷ୍ଟ କରାଯାଇଛି । ସଂପୃକ୍ତ ପୁଲିସ କର୍ମଚାରୀ ଜଣକ ପ୍ରବାସୀ ଶ୍ରମିକଙ୍କ ସଂସ୍ପର୍ଶରେ ଆସି ଆକ୍ରାନ୍ତ ହୋଇଥିବା କୁହାଯାଇଛି । ୩୬ ବର୍ଷିୟ ଏହି ପୁଲିସ କର୍ମଚାରୀ ଜଣକ ଛୁଟିରେ ଫେରିବା ପରେ ତାଙ୍କ ନମୂନା ଟେଷ୍ଟ କରାଯାଇଥିଲା । ନମୂନାରେ କୌଣସି ଲକ୍ଷଣ ଜଣାପଡିନଥିଲା । ତେବେ ପରବର୍ତ୍ତୀ କାଳରେ ସେ ପଜିଟିଭ୍ ଘୋଷିତ ହେବା ପରେ ପ୍ରତିଶେଧକ ମୂଳକ ବ୍ୟବସ୍ଥା ଗ୍ରହଣ କରାଯାଇଛି । ସେ ଅନ୍ୟ କେଉଁ ପୁଲିସ କର୍ମଚାରୀଙ୍କ ସହିତ ମିଶିଛନ୍ତି ତାହାର ମଧ୍ୟ କଣ୍ଟ୍ରାକ୍ଟ ଟ୍ରେସିଂ ଆରମ୍ଭ କରାଯାଇଛି । ଉଲ୍ଲେଖ ଯୋଗ୍ୟ ଯେ, ଆଜି ରାଜ୍ୟରେ ୧୦୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିରୁ ୪ଜଣ ଖୋର୍ଦ୍ଧରୁ ସେଥିରୁ ଭୁବନେଶ୍ୱରର ୨ଜଣ । ରାଜ୍ୟରେ ୯୭୮ ଚିହ୍ନଟ ହୋଇଛନ୍ତି । ୬୯୬ ସକ୍ରିୟ ଅଛନ୍ତି, ୩୦୭ ସୁସ୍ଥ ହୋଇଥିବା ବେଳେ ୫ଜଣଙ୍କ ମୃତ୍ୟୁ ଘଟିଛି ।
