ବୌଦ୍ଧ : ଜାତୀୟ ରାଜପଥ ନମ୍ବର୍ 57 ର ତେଲିବନ୍ଧ ଛକ ନିକଟରେ ଆଜି ସନ୍ଧ୍ୟା ପ୍ରାୟ 6 ଘଣ୍ଟା ସମୟରେ ବାଇକ ଧକ୍କାରେ ଜଣେ ବୃଦ୍ଧ ଗୁରୁତର ଆହତ ହୋଇଥିବା ବେଳେ ବାଇକରୁ ପଡି ବାଇକ ପଛରେ ବସିଥିବା ଆରୋହୀ ମଧ୍ୟ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ମନମୁଣ୍ଡା ପଟରୁ ଆସୁଥିବା ଗୋଟିଏ ବାଇକ ତେଲିବନ୍ଧ ଛକ ନିକଟରେ ଜୟ ହୋତା (80) ନାମକ ଜଣେ ବୃଦ୍ଧ ରାସ୍ତା ପାର୍ ହେଉଥିବା ବେଳେ ଧକ୍କା ଦେଇଥିଲା l ଧକ୍କା ଦେବାପରେ ଭାରସାମ୍ୟ ହରାଇ ବାଇକ ମଧ୍ୟ ଦୁର୍ଘଟଣା ହେବାରୁ ବାଇକ ପଛରେ ବସିଥିବା ଲକ୍ଷ୍ମୀପ୍ରସାଦ ଗ୍ରାମ୍ ପଂଚାୟତ ଅନ୍ତର୍ଗତ ଗୁଢିଆଳି ଗ୍ରାମର ଜନୈକ ଯୁବକ ମଧ୍ୟ ଗୁରୁତର ଆହତ ହୋଇଥିଲେ l ଉଭୟଙ୍କୁ 108 ଆମ୍ବୁଲାନସ୍ ଉଦ୍ଧାର କରି ବୌଦ୍ଧ ଡାକ୍ତରଖାନାକୁ ଅଣାଯାଇଅଛି l
