ଭୁବନେଶ୍ୱର: ସଚ୍ଚା କଂଗ୍ରେସ ନେତା ତଥା ଜୟପୁର ବିଧାୟକ ତାରା ପ୍ରସାଦ ବାହିନୀପତି ଏବେ ବିଜୁ ଜନତା ଦଳ ପ୍ରେମରେ ପଡିଥିବା ଲୋକେ ଟୁପୁରୁ ଟାପର ହେଲେଣି । ଗତ କିଛି ଦିନ ଧରି ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ବହେ ଗାଳି କରିବା ପରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କୁ ମଧ୍ୟ ଟାର୍ଗେଟ କରିଥିଲେ । ଏପରିକି ପିସିସିର କାର୍ଯ୍ୟକାରୀ ସଭାପତି ତଥା ପୂର୍ବତନ ନବରଙ୍ଗପୁର ସାଂସଦ ପ୍ରଦୀପ ମାଝୀଙ୍କୁ କଡା ସମାଲୋଚନା କରି ଦଳରେ ସମର୍ଥନ ପାଇନଥିଲେ । ଏମିତି ବେଳରେ ତାରା ଅନ୍ୟ ଉପାୟ ନପାଇ ବିଜେଡି ପ୍ରେମରେ ପଡି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏସିବିରେ ମାଗଣା ଏକ୍ମୋ ଚିକିତ୍ସା ପାଇଁ ଧନ୍ୟବାଦ ଜଣାଇଛନ୍ତି । ଅବଶ୍ୟ ତାରାଙ୍କ ପାଇଁ ଅନ୍ୟଦଳକୁ ପ୍ରେମ କରିବା କିଛି ନୂଆ କଥା ନୁହେଁ । ପୂର୍ବରୁ ସେ ପଦ୍ମ ଦଳୀୟଙ୍କୁ ବି ପ୍ରେମ କରି ସେହି ଦଳକୁ ଦିନାକେତେ ଯାଇଥିଲେ ।
