ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରର ଓଡିଶୀ କଣ୍ଠଶିଳ୍ପୀ ତବଲା ବାଦକ ଗୁରୁ ରଘୁନାଥ ପାତ୍ରଙ୍କୁ ରାଜ୍ୟ ସ୍ତରରେ ଓଡିଶୀ କଣ୍ଠଶିଳ୍ପୀ ଭାବେ ସମ୍ମାନୀତ କରାଯାଇଛି ଏବଂ ମାନପତ୍ର ପ୍ରଦାନ ସହ ପୁରସ୍କୃତ କରାଯାଇଛି । ଗଜପତି ଜିଲ୍ଲା ବିଜୁ ଜନତା ଦଳ ତରଫରୁ ଗୁରୁ ରଘୁନାଥ ପାତ୍ରଙ୍କୁ ଉପଢୌକନ ଓ ପୁଷ୍ପଗୁଚ୍ଛ ପ୍ରଦାନ ସହ ସମ୍ବର୍ଦ୍ଧନା କରାଯାଇଥିଲା । ଏଥିରେ ଜିଲ୍ଲା ସଭାପତି ପ୍ରଦୀପ ନାୟକ,ଉପ ସଭାପତି ଅନ୍ତର୍ଯ୍ୟାମୀ ଗୋମଙ୍ଗ, ନଗର ସଭାପତି ସୂର୍ଯ୍ୟ ନାରାୟଣ ରାଜଗୁରୁ, ପୂର୍ବତନ କାଉନସିଲର ପ୍ରଶାନ୍ତ କୁମାର ପାତ୍ର, ସୋସିଆଲ ମିଡିଆର ସୁରେଶ କୁମାର ମାଝୀ, ସ୍ୱାସ୍ ଅନୁଷ୍ଠାନର ମୁଖ୍ୟ ତଥା ବରିଷ୍ଠ ବିଜେଡି ନେତା ଏ. ଜଗନ୍ନାଥ ରାଜୁ ପ୍ରମୁଖ ସମ୍ବର୍ଦ୍ଧନା ଜଣାଇ ଥିଲେ । ଜଗତରନାଥ ଜଗନ୍ନାଥ ତାଙ୍କର ଉତ୍ତରତ୍ତୋର ଉନ୍ନତି କରନ୍ତୁ ବୋଲି କାମନା କରିଥିଲେ ।
