ସମ୍ବଲପୁର,
ସମ୍ବଲପୁର ବିଧାନସଭା ନିର୍ବାଚନ ମଣ୍ଡଳୀ ତରଫରୁ ରବିବାର ଅପରାହ୍ନ ସମୟରେ ଶାନ୍ତିନଗର ସ୍ଥିତ କାର୍ଯ୍ୟାଳୟ ଠାରେ ଜୀବନବିନ୍ଦୁ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା | ପୂର୍ବତନ ସମ୍ବଲପୁର ବିଧାୟିକା ଡ଼.ରାସେଶ୍ୱରୀ ପାଣିଗ୍ରାହୀଙ୍କ ସଂଯୋଜନା ରେ ଆୟୋଜିତ ଏହି ରକ୍ତଦାନ ଶିବିରରେ ୪୦ ଜଣ ସ୍ବେଛାକୃତ ରକ୍ତଦାନ କରିଥିଲେ | ବୁର୍ଲା ରକ୍ତ ଭଣ୍ଡାରର ଭ୍ରାମ୍ୟମାଣ ରକ୍ତସଂଗ୍ରହ ଯାନରେ ରକ୍ତ ସଂଗୃହିତ ହୋଇଥିଲା | ବିଜୁ ଜନତା ଦଳ ପୂର୍ବତନ ଜିଲ୍ଲା ସଭାପତି ଆର୍ତ୍ତତ୍ର।ଣ ମିଶ୍ର ଏହି କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ | ଅନ୍ୟମାନଂକ ମଧ୍ୟରେ ବରିଷ୍ଠ ନେତା ତଥା ରାଜ୍ୟ ପରିଷଦ ସଭ୍ୟ ଗୋକୁଳ ମେହେର, ହୀରାଲାଲ ବେହେରା, ଶୈଳେଶ ଦାନୀ, ମହାନଗର ସଭାପତି ପ୍ରଫୁଲ୍ଲ କୁମାର ଦାଶ, ଜିଲ୍ଲା ମହିଳା ସଭାନେତ୍ରୀ ରାଜଲକ୍ଷ୍ମୀ ପ୍ରଧାନ, ଡା ସୁମିତ୍ରା ଅଗ୍ରୱାଲ ଓ ହୀରାକୁଦ ମହିଳା ସଭାପତି ରେଣୁବାଲା ମରେଇ ଆଦି ସାମିଲ ରହିଥିଲେ । ଏହି ରକ୍ତଦାନ ଶିବିରକୁ ବୁର୍ଲା ରକ୍ତଭଣ୍ଡାରର ଡାକ୍ତର ଏବଂ କର୍ମକର୍ତ୍ତା ପରିଚାଳନା କରିଥିବାବେଳେ ବିଜୁ ଜନତା ଦଳ ପକ୍ଷରୁ ଜୟକୃଷ୍ଣ ବେହେରା, ସଂଜୀବ ଷଡଙ୍ଗୀ, ବୁଦ୍ଧଦେବ ସାହୁ, ଫକୀର ପଧାନ, ବୁଲୁ ତ୍ରିପାଠୀ, ଜିତେନ୍ଦ୍ରିୟ ବିଶି, ହରିହର ପାଣି, ମାମି ନାୟକ, ସସ୍ମିତା ବେହେରା, ସନ୍ଦୀପ ବରାଇ, ହସିନା ବି, ବୃନ୍ଦା କଟା, ସଞ୍ଜୟ ମହାପାତ୍ର, ଅଶୋକ ମିଶ୍ର ଓ କିଶୋର ମୁଣ୍ଡା ପ୍ରମୁଖ ସହଯୋଗ କରିଥିଲେ | ସମସ୍ତ ରକ୍ତଦାତା,ସ୍ବେଚ୍ଛାସେବୀ ଓ ରକ୍ତଭଣ୍ଡାର ର ସମସ୍ତ କର୍ମଚାରୀମାନଙ୍କୁ ଡ଼ ପାଣିଗ୍ରାହୀ ଆନ୍ତରିକ କୃତଜ୍ଞତା ଜଣାଇଥିଲେ |
