ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ର ମୁଖ୍ୟ ଚିକିତ୍ସାଳୟ ପରିସରରେ ଥିବା ରକ୍ତ ଭଣ୍ଡାରଠାରେ ଭାରତୀୟ ଜନତା ଯୁବ ମୋର୍ଚ୍ଚା ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ମୁଖ୍ୟ ଅତିଥି ଭାବେ ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ପି. ଲତା ରିବନ କାଟି ଶୁଭ ଉଦଘାଟନ କରିଥିଲେ । ଏହି ଶିବିରରେ ୧୫ ୟୁନିଟ ରକ୍ତ ସଂଗୃହୀତ ହୋଇଥିଲା । ଏହି କାର୍ଯ୍ୟକ୍ରମରେ ବିଜେପି ଯୁବ ସଭାପତି ସନ୍ତୋଷ ଜେନା, ଜିଲ୍ଲା ପରିଷଦ ସଭ୍ୟ ଶ୍ରୀଧର ନାଇଡୁ, ଷ୍ଟେଟ ଏକ୍ସଇଜୁଟିଭ ମେମ୍ବର ପି.କ୍ରାନ୍ତି, ପୂର୍ବତନ ନଗରପାଳ ତଥା ବିଜେପି ସାଧାରଣ ସମ୍ପାଦକ ନୃସିଂହଚରଣ ପଟ୍ଟନାୟକ, ଜିଲ୍ଲା ବିଜେପି ଉପସଭାପତି ଜଗନ୍ନାଥ ମହାପାତ୍ରଙ୍କ ସମେତ ବିଜେପି କର୍ମକର୍ତ୍ତା ଉପସ୍ଥିତ ରହି କୋଭିଡ ନିୟମ ମାନି ସାମାଜିକ ଦୂରତା ରକ୍ଷା କରି ସାନିଟାଇଜର ବ୍ୟବହାର କରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ପ୍ରଦୀପ କୁମାର ପାତ୍ର, ଟେକ୍ନିସିଆନ ଖଗେଶ୍ୱର ବେହେରା ପ୍ରମୁଖ ଉପସ୍ଥିତ ରହି ଏହି କାର୍ଯ୍ୟକ୍ରମକୁ ଉତ୍ସାହିତ କରିଥିଲେ ।
