ବଲାଙ୍ଗୀର: ଐତିହାସିକ ପର୍ଯ୍ୟଟନ ସ୍ଥଳି ଭୀମ ପାହାଡରେ ବନ୍ଧୁକ ମୁନରେ ଦାମୀ କ୍ୟାମେରା ଲୁଟି ନେଲେ ଦୁର୍ବୃତ୍ତ । କିଛି ଦିନ ପୂର୍ବରୁ ହରିଶଙ୍କର ଠାରେ ମଦୁଆଙ୍କ ଉପଦ୍ରବ ହେତୁ ସ୍ଥାନୀୟ ଲୋକଙ୍କ ମାଡପିଟ ଭିଡିଓ ଚିତ୍ର ସମସ୍ତଙ୍କୁ ବ୍ୟଥିତ କରିଥିଲା । ଭୀମ ପାହାଡ ପର୍ଯ୍ୟଟନ କ୍ଷେତ୍ରର କିଛିଟା ବିକାଶ ହୋଇଛି । ମାତ୍ର କିଛିଦିନ ଆଗରୁ ଜଳକ୍ରୀଡା ବ୍ୟବସ୍ଥା ଆରମ୍ଭ କରାଯାଇଛି । ପ୍ରତିଦିନ ବୁଲାବୁଲି ପାଇଁ ସପରିବାର ଆସିଥାନ୍ତି । ପିକନିକ୍ ଋତୁରେ ଭିଡ କାହିଁରେ କେତେ । ଅନେକ ଲୋକ ଯହିଁ ମିଳି ଅବଶ୍ୟ ଉପୁଜିଇ କଳି । ମଦୁଆଙ୍କ ଉପଦ୍ରବ ସହ ଛୋଟମୋଟ ଗଣ୍ଡଗୋଳ ଖବର ବରାବର ଆସିଥାଏ । ବନ୍ଧୁକ ଦେଖାଇ କ୍ୟାମେରା ଲୁଟ୍ ଭଳି ଅଘଟଣର ପୁନରାବୃତ୍ତି ହେବା ଆଗରୁ ପୋଲିସ୍ ସୁରକ୍ଷା ବ୍ୟବସ୍ଥା କରିବା ନିହାତି ଆବଶ୍ୟକ ବୋଲି ମତପ୍ରକାଶ ପାଉଛି । ପ୍ରଶାସନ ଓ ଲୋକ ପ୍ରତିନିଧି ଯେତେ ଶୀଘ୍ର ପର୍ଯ୍ୟଟକଙ୍କ ସୁରକ୍ଷାକୁ ଗୁରୁତ୍ୱ ଦେବେ ସେତେ ଭଲହେବ ବୋଲି ସାଧାରଣରେ ଦାବି ହେଉଛି ।
