ବୌଦ୍ଧ,୧୪/୩: ଆଜି ବୌଦ୍ଧଗଡ ଏନଏସି ପାଇଁ ବିଜେପିର ପୌର ନିର୍ବାଚନ ଇସ୍ତାହାର ପ୍ରକାଶ ପାଇଛି । ଜିଲ୍ଲା ବିଜେପି କାର୍ଯ୍ୟାଳୟରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ୨୨ଟି ପ୍ରସଙ୍ଗ ବିଶିଷ୍ଟ ନିର୍ବାଚନୀ ଇସ୍ତାହାର ପ୍ରକାଶ କରାଯାଇଛି । ଇସ୍ତାହାର ଅନୁସାରେ ବିଜେପି ବୌଦ୍ଧଗଡ ଏନଏସିରେ କ୍ଷମତାକୁ ଆସିଲେ ବୌଦ୍ଧଗଡର ବିକାଶ ପାଇଁ ବିଭିନ୍ନ ଉନ୍ନତିମୂଳକ କାର୍ଯ୍ୟ କରିବାକୁ ଦୃଢ ସଂକଳ୍ପବଦ୍ଧ ବୋଲି ଇସ୍ତାହାରରେ ପ୍ରକାଶ କରିଛି । ଆଜିର ଏହି କାର୍ଯ୍ୟକ୍ରମରେ ଜିଲ୍ଲା ବିଜେପି ସଭାପତି ବିପ୍ର ଚରଣ ମହାନ୍ତି, ଏନଏସି ଅଧ୍ୟକ୍ଷ ପ୍ରାର୍ଥୀ ଯୁଗଳ କିଶୋର ସାମଲ, ବରିଷ୍ଠ ବିଜେପି ନେତା ସୁଶାନ୍ତ କୁମାର ପ୍ରଧାନ, ସୌମିତ୍ରୀ ନାୟକ, ଓମପ୍ରକାଶ ମିଶ୍ର, ତାପସ ପଟ୍ଟନାୟକ ଏବଂ ପ୍ରେମାନନ୍ଦ ମିଶ୍ର ପ୍ରମୁଖ ଉପସ୍ଥିତ ଥିଲେ ।
