ବୌଦ୍ଧ, – ବୌଦ୍ଧଜିଲ୍ଲା କଣ୍ଟାମାଳ ବ୍ଲକ୍ ଦପଲା ଅଂଚଳର ସୁନାମଧନ୍ୟ ବୈଦ୍ୟ ରାମକୁମାର୍ ପ୍ରଧାନ ରବିବାର ଭୋର ୪ ଘଣ୍ଟା ସମୟରେ ୧୦୩ ବର୍ଷ ବୟସରେ ଦପଲାସ୍ଥିତ ବାସଭବନରେ ପରଲୋକ ଗମନ କରିଛନ୍ତି । ସ୍ୱର୍ଗତ ରାମ କୁମାର୍ ପ୍ରଧାନ ସୋନପୁର ଗଡଜାତର ସେଲେଡି ଗ୍ରାମରେ ୧୯୧୭ ମସିହାରେ ଜନ୍ମ ଗ୍ରହଣ କରିଥିଲେ । ଆୟୁର୍ବେଦିକ ଶାସ୍ତ୍ର ଅଧ୍ୟୟନ କରି ଜଣେ ବୈଦ୍ୟ ଭାବରେ ବୌଦ୍ଧ ରାଜ୍ୟର ଦପଲା ଅଞ୍ଚଳକୁ କର୍ମଭୂମି ଭାବେ ଆଦରି ନେଇଥିଲେ । ପୀତବାସ, ପଦ୍ମନାଭ, ପ୍ରାଣବନ୍ଧୁ, ପରମେଶ୍ୱର ଓ ମନୋରଂଜନ ନାମକ ୫ ପୁତ୍ର ସହିତ ପ୍ରମିଳା, ପ୍ରେମଶିଳା ନାମକ ୨ କନ୍ୟା ସନ୍ତାନର ଜନକ ଥିଲେ । ସ୍ୱର୍ଗତ ରାମ କୁମାର ବୌଦ୍ଧଜିଲ୍ଲାର ଶ୍ରମିକ ନେତା ସରୋଜ କୁମାର ପ୍ରଧାନଙ୍କ ଜେଜେବାପା ଅଟନ୍ତି । ତାଙ୍କର ବିୟୋଗରେ ଦପଲା ଅଂଚଳରେ ଶୋକର ଛାୟା ଖେଳିଯାଇଛି । ଆଜି ସକାଳେ ତାଙ୍କର ଶେଷକୃତ୍ୟ ଦପଲା ନିକଟସ୍ଥ ମେହେରୁଣୀ ନଦୀକୂଳରେ ବନ୍ଧୁବର୍ଗ ଓ ଆତ୍ମୀୟ ସ୍ୱଜନ ମାନଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି ।
