ବୌଦ୍ଧ,୧୫/୯ – ଆଜି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ ୫୭ ର ବୁଟୁପାଲି ନିକଟସ୍ଥ ରାମ ଜାଙ୍ଗୀ ପୋଲ ନିକଟରେ ଭାରସାମ୍ୟ ହରାଇ ଗୋଟିଏ ବାଇକ ଦୁର୍ଘଟଣା ହେବାରୁ ୨ ଜଣ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବୌଦ୍ଧଥାନା ବାଲିପଟା ଗ୍ରାମର ୩ ଜଣ ବ୍ୟକ୍ତି ଗୋଟିଏ ବାଇକ ଯୋଗେ ଆସୁଥିବା ବେଳେ ବୁଟୁପାଲି ନିକଟସ୍ଥ ରାମ ଜାଙ୍ଗୀ ପୋଲ ନିକଟରେ ସାମନାକୁ ଚାଲି ଆସିଥିବା ଜଣେ ବାଇକ ଆରୋହୀଙ୍କୁ ରକ୍ଷା କରିବାକୁ ଯାଇ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲେ । ଫଳରେ ବାଲିପଟା ଗ୍ରାମର ବାଇକ ଆରୋହୀ ସିଦ୍ଧାନ୍ତ ଭୋକ୍ତା (୨୦ ବର୍ଷ ) ଓ ସରୋଜ ଭୋକ୍ତା (୨୫ ବର୍ଷ ) ଗୁରୁତର ଆହତ ହୋଇଥିବା ବେଳେ ଲକ୍ଷ୍ମିଧର ଦନାୟକ ସାମାନ୍ୟ ଆହତ ହୋଇଥିଲେ । ଖବର ପାଇ ବୌଦ୍ଧ ଥାନା ପି ସି ଆର ଭେନ ଦୁର୍ଘଟଣା ସ୍ଥଳରେ ପହଂଚି ଆହତ ମାନଙ୍କୁ ଆଣି ବୌଦ୍ଧ ଡାକ୍ତରଖାନାରେ ଭର୍ତ୍ତି କରିଥିଲା । ପ୍ରାଥମିକ ଚିକିତ୍ସା ପରେ ଦୁଇ ଗୁରୁତରଙ୍କୁ ବୁର୍ଲା ଡାକ୍ତରଖାନାକୁ ରେଫର କରାଯାଇଥିବା ଜଣାପଡିଛି ।
