ବୌଦ୍ଧ/ଜହ୍ନାପଙ୍କ,୧୦/୫- ବୌଦ୍ଧବ୍ଳକ ତେଲିବନ୍ଧର ଅବସରପ୍ରାପ୍ତ ପ୍ରଧାନଶିକ୍ଷକ ଚକ୍ରଧର ଭୋଇ(୮୫)ଙ୍କ ରବିବାର ରାତିପ୍ରାୟ ୧୧ ଟା ବେଳେ ନିଜ ବାସଭବନରେ ହୃଦଘାତରେ ପରଲୋକ ଘଟିଛି । ସେ ୧୯୫୯ ମସିହାରେ କଣ୍ଟାମାଳ ବ୍ଳକର ବାର୍ଡୋଲ ପ୍ରାଥମିକ ବିଦ୍ୟାଳୟରେ ଶିକ୍ଷକତା ଆରମ୍ଭ କରିଥିଲେ । ତାପରେ ବୌଦ୍ଧବ୍ଲକର ପଦ୍ମନପୁର, କମ୍ପରା, କୌଦିଆତୋଳା ଓ ତେଲିବନ୍ଧ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରି ତେଲିବନ୍ଧ ସ୍କୁଲରୁ ୧୯୯୭ ମସିହାରେ ଚାକିରୀରୁ ଅବସର ନେଇଥିଲେ । ମୃତ୍ୟୁବେଳେ ତାଙ୍କର ଚାରି ପୁଅ ଡମ୍ବୁରୁ, ବେଣୁଧର, ଅଭିମନ୍ୟୁ, ଦଶରଥ ସହିତ ବୋହୂ ,ସ୍ତ୍ରୀ ଓ ନାତିନାତୁଣୀ ଉପସ୍ଥିତ ଥିଲେ । ଆଜି ସକାଳେ ତାଙ୍କର ଶେଷକୃତ୍ୟ ସମ୍ପର୍ଣ୍ଣ ହୋଇଥିବା ବେଳେ ବଡ଼ ପୁଅ ମୁଖାଗ୍ନି ଦେଇଥିଲେ । ସେ ଜଣେ ଧାର୍ମିକ, ମେଳାପି, ଛାତ୍ରବତ୍ସଳ ବ୍ୟକ୍ତି ଭାବେ ଅଞ୍ଚଳରେ ବେଶ ଜଣାଶୁଣା ଥିଲେ । ଚାରିଶମ୍ଭୁ ସପ୍ତାହ ଭାଗବତ ପ ।ରାୟଣ, ଅଖଣ୍ଡ ରାମାୟଣ ପାରାୟଣ ଓ ମହାଶିବରାତ୍ରି କମିଟିର ଜଣେ ସକ୍ରିୟ ସଭ୍ୟ ଥିଲେ । ତାଙ୍କ ମୃତ୍ୟୁ ଖବର ଶୁଣି ଛାତ୍ରଛାତ୍ରୀଙ୍କ ମହଲରେ ଶୋକର ଛାୟା ଖେଳିଯାଇଛି ।
