ବୌଦ୍ଧ,୩/୯ – ଆଜି ବୌଦ୍ଧ ଜିଲ୍ଲାରେ ପୁଣି ନୂତନ ୨୭ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଅଛି । ମିଳିଥିବା ସୂଚନା ଅନୁଯାୟୀ ଆଜି ଚିହ୍ନଟ ହୋଇଥିବା କରୋନା ପଜିଟିଭ ମାନଙ୍କ ମଧ୍ୟରେ ବଉଦ ବ୍ଲକ୍ ମୁଣ୍ଡାପଡା ଗ୍ରାମ ପଂଚାୟତର କମିରା ଗ୍ରାମରୁ ୨ ଜଣ, ଆଡେଣିଗଡ ଗ୍ରାମ ପଂଚାୟତର ନୂଆଗାଁ ଗ୍ରାମରୁ ୧ ଜଣ, ରାଣୀଗଞ୍ଜ ଗ୍ରାମରୁ ୧ ଜଣ, ଚାରିଛକ ସ୍ଥିତ ହରଭଙ୍ଗା ବ୍ଲକ୍ କାର୍ଯ୍ୟାଳୟରୁ ୫ ଜଣ, ମଥୁରା ଗ୍ରାମରୁ ୨ ଜଣ, ବୌଦ୍ଧ ସହରାଞ୍ଚଳ ମଧ୍ୟରୁ ୧୪ ଜଣ ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଉ ୨ ଜଣ କରୋନା ପଜିଟିଭ ବାହାରେ ପରୀକ୍ଷା କରାଇ ଚିହ୍ନଟ ହୋଇଥିବାରୁ ସବିଶେଷ ତଥ୍ୟ ହସ୍ତଗତ ହୋଇନଥିବା ସିଡିଏମଓ କହିଛନ୍ତି । ଆଜିର ୨୭ କୁ ମିଶାଇ ଜିଲ୍ଲାରେ କରୋନା ପଜିଟିଭ ଚିହ୍ନଟ ସଂଖ୍ୟା ୬୮୧ରେ ପହଞ୍ଚିଛି ।
