ବୌଦ୍ଧ,୧୧/୯: ଆଜି ବୌଦ୍ଧବ୍ଲକ ସାହାଜପାଲ ନିକଟ ଡମରଗାଡ ମଠ ଠାରେ କୋଶଲ ସଙ୍ଗଠନର ଏକ ଜରୁରୀ ବୈଠକ ଜିଲ୍ଲା ଆବାହକ ଶୋଭନ କୁମାର କର୍ଣ୍ଣଙ୍କ ନେତୃତ୍ୱରେ ହୋଇଯାଇଛି । ଏହି ବୈଠକରେ ଅଲଗ କୋଶଲ ପ୍ରଦେଶ ଦାବି ସହିତ ଜିଲ୍ଲାର ବିଭିନ୍ନ ସମସ୍ୟା ଉପରେ ଆଲୋଚନା କରି କୋଶଲ ଆନ୍ଦୋଳନକୁ ଜିଲ୍ଲାର କୋଣ ଅନୁକୋଣ ଯାଏଁ ପହଞ୍ଚାଇବା ପାଇଁ ବିଶେଷ ଆଲୋଚନା କରାଯାଇଥିଲା । ଆଗାମୀ ଦିନରେ ଜିଲ୍ଲାରେ ଅଧିକରୁ ଅଧିକ ଯୁବବର୍ଗଙ୍କୁ ସାମିଲ କରି ଆନ୍ଦୋଳନକୁ ଜୋରଦାର କରାଯିବାର ନିଷ୍ପତ୍ତି ନିଆଗଲା । ଏହି ବୈଠକରେ ଯୋଗଦାନ କରିଥିବା ସମସ୍ତ ନୂଆଁନୂଆଁ ଯୁବ କୋଶଳ ସଂଗ୍ରାମୀ ସାଥୀମାନେ ଏକ ସାଥୀରେ କୋଶଲ ଆନ୍ଦୋଳନକୁ ସହଯୋଗର ହାତ ବଢାଇ ସଂଗଠନକୁ ଆଗକୁ ନେବାପାଇଁ ମିଳିତ ଭାବେ ଦୃଢ ଶପଥ ଗ୍ରହଣ କରିଥିଲେ । ଏହି ବୈଠକରେ ଜିଲ୍ଲାର ଶତାଧିକ କୋଶଲ ସଂଗ୍ରାମୀ ଉପସ୍ଥିତ ରହି ସହଯୋଗ କରିଥିଲେ । ସଂଗ୍ରାମୀ ପ୍ରମୋଦ କୁମାର ମେହେର ଧନ୍ୟବାଦ ଅର୍ପଣ କରିଥିଲେ ।
