ବୌଦ୍ଧ,୯/୫ – ବୌଦ୍ଧବ୍ଲକ୍ ମୁଣ୍ଡିପଦର ଗ୍ରାମପଞ୍ଚାୟତ ସଦର ମହକୁମା ମୁଣ୍ଡିପଦର ଗ୍ରାମର ମଝିରେ ଥିବା ନଳକୂପ ଖରାପ ହୋଇଯାଇଥିବା ଦେଖିବାକୁ ମିଳୁଛି । ଏହି ନଳକୂପ ଖରାପ ହୋଇଥିବା ଯୋଗୁଁ ଗ୍ରାମର ସ୍ତ୍ରୀ ଲୋକମାନେ ପାନୀୟଜଳ ପାଇଁ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଗ୍ରାମର ସ୍ତ୍ରୀଲୋକମାନେ ଘରେ ପିଇବା ଓ ରାନ୍ଧିବାପାଇଁ ପାନୀୟଜଳ ପାଇଁ ଗ୍ରାମପଞ୍ଚାୟତ କାର୍ଯ୍ୟାଳୟ ସାମନାରେ ଥିବା ଏକ ନଳକୂପରୁ ପାନୀୟ ଜଳ ଆଣି ବ୍ୟବହାର କରୁଥିବା ଦେଖିବାକୁ ମିଳୁଛି । ଯାହାଫଳରେ କି ମୁଣ୍ଡିପଦର ଗ୍ରାମ ମଧ୍ୟରେ ଥିବା ଗୋଟିଏ ନଳକୂପ ଖରାପ ହୋଇଥିବା ହେତୁ ପାନୀୟଜଳ ପାଇଁ ଗ୍ରୀଷ୍ମପ୍ରବାହର ପ୍ରଚଣ୍ଡ ଖରାରେ ପାନୀୟଜଳ ପାଇଁ ଗ୍ରାମବାସୀ ହାହାକାର ହେଉଛନ୍ତି । ତୁରନ୍ତ ଏ ନଳକୂପ ମରାମତି କରିବାପାଇଁ ଗ୍ରାମବାସୀ ଦାବି କରିଛନ୍ତି ।
