ବୌଦ୍ଧ /ବାଉଁଶୁଣୀ,୧୦/୯- ଆସନ୍ତା ସଂକ୍ରାନ୍ତି ଦିନ ବାଉଁଶୁଣୀଠାରେ ମା ମାହେଶ୍ୱରୀ ଗାଡିଚାଳକ ସଂଘ ତରଫରୁ ବିଶ୍ୱକର୍ମା ପୂଜା ପ୍ରତିବର୍ଷ ପରି ଚଳିତବର୍ଷ ମଧ୍ୟ ପାଳିତ ହେବ ସେଥିପାଇଁ ଆଜି ସକାଳେ ଶୁଭ ଖମ୍ବ ସ୍ଥାପନ କରାଯାଇଛି । ଆୟୋଜିତ ସ୍ୱତନ୍ତ୍ର ପୂଜାରେ ମା ମାହେଶ୍ୱରୀ ଗାଡି ଚାଳକ ସଂଘ ସଭାପତି ଆନନ୍ଦ ଖଟୁଆ କର୍ତ୍ତା ଭାବରେ ବସିଥିଲେ । ପାରମ୍ପରିକ ପୂଜାର୍ଚ୍ଚନା ପରେ ଶୁଭ ଖମ୍ବ ସ୍ଥାପନ କରାଯାଇଥିଲା । କୋଭିଡ ପାଇଁ ସାମାଜିକ ଦୂରତା ରକ୍ଷା କରି ଚଳିତବର୍ଷର ବିଶ୍ୱକର୍ମା ପୂଜା ଆୟୋଜନ କରିବାପାଇଁ କମିଟି ସଦସ୍ୟ ମାନେ ନିଷ୍ପତି ନେଇଥିବା ଜଣାପଡିଛି । ଆଜିର ପୂଜାରେ ସମ୍ପାଦକ ପଦ୍ମ ଲୋଚନ ମହଲାଙ୍କ ସମେତ ସଂଘର ସଦସ୍ୟମାନେ ଉପସ୍ଥିତ ଥିଲେ ।
