ବୌଦ୍ଧ,୨୫/୯- ଆଜି ଅପରାହ୍ନ ସମୟରେ ଜାତୀୟ ରାଜପଥ ନମ୍ବର୍ ୫୭ର ବାଉଁଶୁଣି ଥାନା ଗଜରାଜପୁର ନିକଟରେ ଗୋଟିଏ ସ୍କର୍ପିଓ ଜଣେ ସାଇକେଲ ଆରୋହୀଙ୍କୁ ଧକ୍କାଦେବାରୁ ସେ ଗୁରୁତର ଆହତ ହୋଇଛନ୍ତି । ସାଇକେଲ ଆରୋହୀଙ୍କୁ ଧକ୍କା ଦେବାପରେ ସ୍କର୍ପିଓ ଭାରସାମ୍ୟ ହରାଇ ରାସ୍ତା ତଳକୁ ଖସି ଦୁର୍ଘଟଣାଗ୍ରସ୍ତ ହୋଇଛି । ସାଇକେଲ ଆରୋହୀ ଜଣକ ବହିରା ଗ୍ରାମ ପଂଚାୟତ କଣ୍ଠା ଗ୍ରାମର ଓ ତାଙ୍କ ନାମ ସୁନୀଲ ବିଶ୍ୱାଳ ବୋଲି ଜଣାପଡିଛି । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଗୁରୁତର ଭାବରେ ଉଦ୍ଧାର କରି ପ୍ରଥମେ ବାଉଁଶୁଣୀ ଓ ପରେ ସୋନପୁର ମେଡିକାଲକୁ ନିଆଯାଇଥିବା ଜଣାପଡିଛି । ଅନ୍ୟପଟେ ଏହାକୁ ନେଇ ସ୍ଥାନୀୟ ଲୋକେ ସହାୟତା ଦାବିରେ ରାଜପଥ ଅବରୋଧ କରିଥିବାବେଳେ ବାଉଁଶୁଣୀ ପୋଲିସ ଖବର ପାଇ ଘଟଣା ସ୍ଥଳରେ ପହଂଚିଥିବା ଜଣାପଡିଛି ।
