ବୌଦ୍ଧ,୨୩/୩- ବୌଦ୍ଧ ବନଖଣ୍ଡ ମନମୁଣ୍ଡା ରେଞ୍ଜ ଅନ୍ତର୍ଗତ ଗୁନ୍ଦୁଳିଆ ବନପାଳ ରବିନ୍ଦ୍ର କୁମ୍ଭାର ବିଶ୍ୱ ବନ ଦିବସ ଅବସରରେ ରାଜ୍ୟସ୍ତରୀୟ ଉତ୍ସବରେ ସମ୍ମାନିତ ହୋଇଛନ୍ତି । ଜଙ୍ଗଲ ଓ ବନ୍ୟଜନ୍ତୁ ସୁରକ୍ଷା କ୍ଷେତ୍ରରେ ତାଙ୍କର ଉଲ୍ଲେଖନୀୟ ସେବା କାର୍ଯ୍ୟ ପାଇଁ ଭୁବନେଶ୍ୱରସ୍ଥିତ ଜୟଦେବ ବାଟୀକା ଠାରେ ଆୟୋଜିତ ରାଜ୍ୟସ୍ତରୀୟ ବିଶ୍ୱ ବନ ଦିବସ ସମାରୋହରେ ଜଂଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ପ୍ରଶଂସା ପତ୍ର, ଗୋଲଡ ମେଡାଲ ଓ ୫ ହଜାର ଟଙ୍କାର ଅର୍ଥରାଶି ଦେଇ ପୁରସ୍କୃତ କରିଛନ୍ତି । କାର୍ଯ୍ୟକ୍ରମରେ ପି.ସି.ସି.ଏଫ. ଶିଶିର କୁମାର ରଥ, ସଚିବ ମୋନା ଶର୍ମା, ଏ.ପି.ପି. ସି.ଏଫ. ଓମ୍ ପ୍ରକାଶ ସିଂ ଙ୍କ ସମେତ ବନ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ଶ୍ରୀ କୁମ୍ଭାରଙ୍କ ଏ ସଫଳତାରେ ତାଙ୍କର ସହକର୍ମୀ ଓ ଶୁଭେଚ୍ଛୁ ମହଲରେ ଆନନ୍ଦର ଲହରୀ ଖେଳିଯାଇଛି ।
