ବୌଦ୍ଧ,୨୧/୧ – ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପ୍ରକ୍ରିୟା ପାଇଁ ଆଜି ଅନ୍ତିମ ଦିନରେ ବୌଦ୍ଧ ଜିଲ୍ଲାରେ ୧୦୫୪ଟି ନାମାଙ୍କନ ପତ୍ର ଦାଖଲ ହୋଇଛି । ଶେଷ ଦିନରେ ବୌଦ୍ଧବ୍ଲକରୁ ୨୧୬ ଜଣ ୱାର୍ଡମେମ୍ବର, ୪୧ ଜଣ ସରପଞ୍ଚ, ୮୪ଜଣ ସମିତିସଭ୍ୟ ଓ ଜିଲ୍ଲା ପରିଷଦ ସଭ୍ୟ ପାଇଁ ୧୬ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ହରଭଙ୍ଗା ବ୍ଲକରୁ ୧୮୫ ଜଣ ୱାର୍ଡମେମ୍ବର, ୬୭ ଜଣ ସରପଞ୍ଚ, ୭୦ ଜଣ ସମିତିସଭ୍ୟ, ୧୭ଜଣ ଜିଲ୍ଲାପରିଷଦ ସଭ୍ୟ ପଦବୀ ପାଇଁ ନାମାଙ୍କନ ପତ୍ର ଦାଖଲ କରିଥିବାବେଳେ କଣ୍ଟାମାଳ ବ୍ଲକରୁ ୱାର୍ଡମେମ୍ବର ପଦବୀ ପାଇଁ ୨୪୧ ଜଣ, ସରପଞ୍ଚ ପାଇଁ ୫୧, ପଞ୍ଚାୟତ ସମିତିସଭ୍ୟ ପାଇଁ ୫୧ଜଣ ଓ ଜିଲ୍ଲାପରିଷଦ ସଭ୍ୟ ପଦବୀ ପାଇଁ ୧୫ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ଆଜିସୁଦ୍ଧା ମୋଟ ୨୨୫୦ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବାବେଳେ ୱାର୍ଡମେମ୍ବର ପାଇଁ ୧୫୧୧ଜଣ, ସରପଞ୍ଚ ପଦବୀ ପାଇଁ ୩୪୪, ସମିତିସଭ୍ୟ ପାଇଁ ୩୩୬ ଓ ଜିଲ୍ଲା ପରିଷଦ ସଭ୍ୟ ପାଇଁ ୫୯ଜଣ ନାମାଙ୍କନ ପତ୍ର ଦାଖଲ କରିଛନ୍ତି ।
