ବୌଦ୍ଧ,୨୧/୧- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲର ଶେଷ ଦିନରେ ଆଜି କଂଗ୍ରେସ ତରଫରୁ ସମସ୍ତ ୯ ଟି ଜୋନରେ ଜିଲ୍ଲା ପରିଷଦ ସଭ୍ୟ ପାଇଁ ପ୍ରାର୍ଥୀପତ୍ର ଦାଖଲ କରାଯାଇଛି । ୧ନଂ ଜୋନରୁ କୁମୁଦିନୀ ମିର୍ଦ୍ଧା,୨ନଂ ଜୋନରୁ କଳାକାନ୍ତି ଦଳବେହେରା, ୩ ନଂ ଜୋନରୁ କର୍ମୁ ସାଗର, ୪ନଂ ଜୋନରୁ ରଘୁନାଥ ପଲିଆ, ୫ନଂ ଜୋନରୁ ରାସେଶ୍ୱରୀ ତାଣ୍ଡିଆ, ୬ନଂ ଜୋନରୁ ସନ୍ଧ୍ୟାରାଣୀ ସିଂ, ୭ନଂ ଜୋନରୁ ରୋହିତାଶ୍ୱ ବେହେରା, ୮ନଂ ଜୋନରୁ ପ୍ରଭାତୀ ବେହେରା ଏବଂ ୯ ନଂ ଜୋନରୁ ରାଜେନ୍ଦ୍ର ଦୀପ ନାମାଙ୍କନ ପତ୍ର ଦାଖଲ କରିଛନ୍ତି । ଆଜି ନାମାଙ୍କନ ପତ୍ର ଦାଖଲ ବେଳେ ଜିଲ୍ଲା କଂଗ୍ରେସ ସଭାପତି ନବ କୁମାର ମିଶ୍ରଙ୍କ ସହ ବରିଷ୍ଠ କଂଗ୍ରେସ ନେତା ସୁଧୀର କର୍ଣ୍ଣଙ୍କ ସମେତ ଅନେକ ଦଳୀୟ ନେତା ଓ କର୍ମକର୍ତ୍ତା ଉପସ୍ଥିତ ଥିଲେ ।
